أمراض اللثة

عاوزة أكلمكم عن حاجة في تخصص طب الأسنان لكن لها علاقة وثيقة بالطب البشري أمراض اللثة منتشرة جدا في مجتمعاتنا وثبت أنها بتسبب مشاكل صحية كتير ثبت إنه جلطات المخ والقلب وأحيانا الضعف الجنسي وأحيانا الإجهاض المتكرر له علاقة بإهمال تنظيف الأسنان واللثة علشان كدة عاوزة أوضح لكم الموضوع دة لو يسمحوا لي الزملاء أطباء الأسنان أتدخل شوية في مجالهم تعالوا شوفوا معايا السنة بتتكون من زي تاج كدة ومحطوط يعني مغروس في أرضية متكونة من اللثة واللثة تحتها العظم اللي هو غارسة فيه السنة فإحنا لو إحنا شايفنها كدة أنت لما بتشوف أسنانك من الجنب بتلاقي الجزء الأبيض وبعدين الجزء الأحمر اللي هو اللثة لو لفيتها شوية كدة دة مقطع بالجنب يعني أنا قطعت كدة زي ما يكون نشرت الفك بالمنشار هتلاقي إنه اللثة اللون الأحمر الرقيق دة تحتها على طول عظم طيب لو شوفنا قطعنا برضه مقطع بحيث نشوف جذر السنة هتلاقيه مغروس في عظم وتحت في أوعية دموية طيب معنى كدة إيه إن أنا لما أكل وما أنظفش سناني كويس الأكل هايدخل هنا بين اللثة والسنة وبمرور الوقت هاتحصل التهابات وهتلاقي من  أعراضه نزيف  كل ما تغسل أسنانك والالتهابات دي بتضيع نسيج اللثة وكمان بالتدريج بتضيع العظم في ناس حتى بيحصلهم خراج والخراج دة يخلي العظم يتآكل بسرعة جدا واللي بيحصل في الآخر إنه السنة بتتلخلخ وتقع لأنه العظم تآكل لأن إحنا مهملين تنظيف الطعام اللي هو واقع بين اللثة وجذر السنة بنقول عليه Pocket يعني جيب فيه أكل متجمع وعامل التهابات بكتيرية وعاملالك المشكلة دي اللي مسببة في الآخر فقدان السنة يبقى أنت علشان مش بتنظف كويس بين الأسنان بالـ Floss هايحصلك في الآخر إنه تفقد السنة حتى لو هي سليمة مش مسوسة المشكلة التانية بقى إنه الأكل بيدخل يعني متعفن والبكتيريا اللي معاه جزيئات من الأكل أو البكتيريا دي بتدخل في الأوعية الدموية اللي رايحة بقى على باقي الجسم هاتروح الأول على القلب وعلى باقي الأوعية الدموية طيب دة ممكن يعمل إيه زي ما قولت بيعمل التهابات في الأوعية الدموية الصغيرة أوي اللي هي في أواخر مثلا أنسجة المخ أوالقلب أو القضيب وها تلاقي بقى الرجل عنده ضعف جنسي مثلا وأحيانا تصل المشيمة وتمنع وصول الأكل للـ Baby فا هاتلاقي جلطات صغيرة جدا في المشيمة تسبب وفاة الـ Baby بالذات في شهور الحمل الرابع كدة على الرابع تقريبا فمهم نعرف إنه تنظيف الأسنان له علاقة مهمة جدا ووثيقة بباقي صحة أعضاء جسمك المشكلة إنه إحنا حتى مهما نظفنا كويس المنطقة دي هتلاقي إنه دايما في أكل أنت مش قادر توصله علشان كدة الزيارة الدورية لطبيب الأسنان مهم جدا لأنه الطبيب هايعرف يوصل للمناطق اللي هي في عمق اللي هي الـ Pockets   دي في عمق الجذر بتاع السنة روح للطبيب مثلا على الأقل مرة في السنة يوم عيد ميلادك اعملها هدية عيد ميلادك ينظفلك ولو في مشكلة كبيرة تستاهل أنك تأخذ Antibiotic مثلا هايديك يعني مضاد حيوي لفترة 5 أيام مثلا علشان نتخلص فعلا من البكتيريا دي دي وقاية ممتازة لحاجات كتير ممكن تحصلك في المستقبل وطبعا دة للسيدات كمان الحاجة التانية اللي عاوزة أقولها إنه لما تختاروا فرش الأسنان اختاروها دايما تكون Soft علشان الفرشة القوية يعني الحادة أوي ها تخرب اللثة ها تضعفها أكتر فا هي لازم تكون Soft وخدوا بالكم الـ Floss ليه طريقة معينة أنصحكم إنه تسألوا طبيب الأسنان إزاي نستعمله إزاي ننظف أسنانا بالـ Floss أو خيط الأسنان وبالفرشاة كويس وهو أو هي هايوريكم كويس إزاي تنظفوها

تمنياتي لكم بكل الصحة