الصداع النصفي

الصداع النصفى او   Migraine هى الام تصيب الانسان فى نصف راسه اليمين او الشمال وتسبب له الم فظيع جدا لدرجه انه حياته الاجتماعية بتتاثر منه

اعراض الصداع النصفى بتختلف من شخص للتانى لكن فى العموم هتلاقى الانسان عنده حاجه اسمها Aura  يعنى بيشوف ومضات ضوء ونقط سوداء وبعدين يبتدى الالم وممكن تيجى رغبة فى القيئ خوف من الضوء الم لما يسمع اصوات ممكن الم فى الذراع يروح ويجى ولما الانسان بيتحرك بيزيد الصداع النصفى

المشكلة بتزيد فى السيدات عن الرجال وقد تكون لها علاقة بالهرمونات اللى بيخدوها سواء بياخدو حبوب منع الحمل او عندهم تغيرات فى الحيض فى الهرمونات فا اكتر مرضى الصداع النصفى هما النساء

عاوزة اكلمكم عن الاسباب المحتملة للصداع النصفى لان افضل طريقة لعلاجه هى اننا نتخلص من السبب

العلاج بالأدوية طبعا ممكن المسكنات لكن يستحسن ان  احنا ما نستعملش المسكنات لكن نعرف ايه السبب ونتخلص منه

اهم سبب لحدوث الصداع النصفى هو للاسف الوراثة  يعنى لما يكون عندك حد فى العيلة بيجيلو صداع نصفى   والد او والدة جد او جدة  هتلاقى عندق قابلية اكتر لكن فى عادات غذائية   عايزة اقولكم عنها بتزيد النوبات و فى السيدات حبوب منع الحمل و تغير الهرمونات زى ما قولت الارهاق وقلة النوم اسباب مهمة جدا لحدوث الصداع النصفى لو ما نمتش كفاية هاتتعرض لنوبات اكتر كمان فى البيئة لو البيئة ملوثة زى مثلا عندنا تلوث الرصاص فى الجو او مافيش هواء كفاية فى الغرفة ممكن دة يكون سبب الصداع النصفى لو انت بتتعامل دايما  مع ضوء قوى جدا دة بيعملك صداع نصفى لو انتو عايزيين تتخيلو اول مصدر للضوء الزيادة هيكون ايه (الموبايل)  فاحتمال يكون سبب صداعك النصفى التليفون بتاعك فا انا بقترح ان انت تقلل الاضاءة بتاعة الشاشة علشان يقلل احتمالات اصابتك بالصداع النصفى عاوزة اقولكم عن الاغذية اللى ممكن تعمل الصداع  تعالو وشوفو معايا

كل الاغذية اللى محفوظة  بتجيب صداع نصفى عند مرضاه يعنى المعلبات العصير بتتضاف لها مواد حافظة هى دى اللى بتعملك الصداع المشروبات الغازية   كولا سفن اب  الحاجات دى كلها  بتعمل صداع نصفى عند البعض

المواد المحفوظة زى اللانشون والجبنة القديمة والمربات والمخبوزات والحاجات اللى كلها جاية من علب يعنى كل الحاجات دى بتضاف لها مواد هى اللى ممكن تعملك الصداع النصفى

يبقى الحل الامثل طبعا مش هاتقدر تتجنب كل دة لكن الحل الامثل انك تحاول تاكل حاجة طبيعية اكتر حاجة تغسلها كويس طبعا وتحاول تاكل كل حاجة طبيعية

طيب فى حد بيقول انا مش هاقدر امتنع عن الحاجات دى كلها وفى بالذات انو ساعات بيكون السبب الملح والسكر والقهوة والشوكلاته مثلا يعنى الحاجات دى كلها ما نقدرش نمتنع عنها فا فى ناس بيقولو احسن حاجة انو يكون عندك  Diary  يعنى اجندة كدة فيها بتكتب كل حاجة عملتها يعنى مثلا هنا عملت ايه فى اليوم بتاعك يعنى مثلا احنا روحنا النهاردة اتعشينا مع اصحابنا فى الهيلتون

الفطار كان بيض ولبن وشاى وسكر

الغداء كان مكرونة وعصير وكاتشب

العشاء كان كشرى وكولا وصلصة…… كدة

فا انت تكتب كل حاجة كلتها او انتى وتانى يوم تشوفى اذا الصداع حصل تشوفى اليوم اللى قبلها اانتى اكلتى ايه احتمال كبير يكون حاجة فى الاكل اللى بتكليه هى دى تحديدا اللى بتعملك الصداع وفى الحالة دى تقدرى تتخلصى منها

الاجندة دى احسن وسيلة انك تقدرى تعرفى بالظبط ايه اللى بيعملك الصداع بافتراض انك انتى عرفتى ان بالتاكيد ان حبوب منع الحمل مش هى اللى بتعملهولك يعنى لو انت عندك دايما صداع احتمال تكون هى السبب لو تخلصتى منها وفضل الصداع موجود يبقى فى حاجة فى اكلك

بعد كدة نقلل اوى الملح والسكر والمنبهات زى الشاى والقهوة هاتفرق كتير وننام كفاية ماتنسوش ضوء الموبايل اهم حاجة تروحو فى الموبايل عند الـ settings  هتلاقو Wallpapers & Brightness تقللو الـ Brightness على الاخر خالص على قد ما تقدرو يبقى اهم حاجة نعرف انو العلاجات المتوفرة للصداع النصفى هى الوسيلة الخطوة الثانية يعنى قبل الخطوة اللى قبلها اللى هى نعرف السبب ايه ونتخلص منه دة احسن بكتير من انك تفضل تاخد ادوية وبعدين فى الادوية وفى الجراحة وفى ناس بيعملو حاجات فى الطب البديل زى الابر الصينية فى ناس بياخدو مثلا حاجات زى اعشاب و زيوت طبيعية اللى هى الزيوت الطيارة دى جربو كل حاجة وشوفو ايه اللى بينفع بس اهم حاجة تعرفو السبب من الاجندة دى اللى انتو محتفظين بيها وتخلصو منه وغالبا هايبقى كل حاجة كويسة بشرط طبعا انكو تتاكدو ان ضوء الموبايل مش كتير بالذات بالليل

اتمنالكم كل الصحة والسعادة