طرق تدريب الطفل على استعمال الحمام

قررتى تعلمى طفلك استعمال الحمام تعملى ايه ؟ هاقترح عليكى طريقتين هما من افضل طرق تعليم الاطفال استعمال الحمام والانسب لمجتمعتنا العربية اول حاجة انت محتاجة حاجات معينة علشان تسهل عليكى الموضوع محتاجة ايه ؟

محتاجة Potty او قصرية او نونية تكون صغيرة والطفل يعنى حابب شكلها ممكن هو اللى يختارها بنفسه من المحل ممكن تكتبى عليها اسمه لو تحبى محتاجة كمان زى لعبته المفضلة تستعمليها كحاجة مساعدة لانه يتعلم يشوف الواحد بيستعملها ازاى بأنك تقعدى اللعبة على القصرية محتاجة غيارات للطفل من القماش واشترى كمية يعنى 10 مثلا لانه مثلا هايتوسخوا بسرعة فا علشان يبقى عندك كفاية ممكن يكون عليها شخصياته المفضلة ممكن ترسمى انت عليها مثلا وش Smiley او حاجة لو قررتى انك ماتشتريش قصرية وتشترى قاعدة للحمام ممكن برضه فى قواعد بلاستيك كدة وفى كمان  Step بتتحط تحت رجلين الطفل علشان لو بيخاف يطلع على التواليت علشان يطول يقعد عليه محتاجة كمان لوحة ممكن تعمليها انت بنفسك مصنوعة يعنى من الورق وانت ترسمى عليها الطفل وهو قاعد على القصرية او التواليت والطفل وهو بيشد البنطلون لتحت ولفوق والقصرية او الـ  Potty وعلامات كدة هاتحطى فيها نجوم بالاستيكر او بايدك محتاجة كمان لتسلية الطفل وهو قاعد على التواليت حاجة بيحب شكلها مثلا كتاب ممكن انت تعمليه من القماش او حاجة بلاستيك او اى حاجة مثلا فيها الوان ممكن الطفل يحب يستعملها محتاجة كمان مفرش بلاستيك لو انت خايفة الاثاث البيت يتوسخ من الطفل يعنى هاتى مفرش بلاستيك تحطيه على مثلا السجاد او على الكنب اللى انت خايفة يتوسخ نبتدى بقى نتعلم الطريقة اللى هانعمل بيها التدريب دة

هما الحقيقة فى طريقتين هاقولك الاولانية دلوقتى انك بعد كل وجبة تاخدى الطفل وتقعديه شوية على التواليت ببساطة بعد ما يشرب كتير او كل وجبة تقعدى معاه على التواليت يقعد هو وانت جنبه وتقعدى تقرأى له حاجة ولما تسمعى الصوت انه بيعمل بيبى تشجيه جدا وتحطيله نجمة على اللوحة دى كل مرة بعد الوجبة او بعد ما شرب كتير تعملى كدة هى الطريقة دى متعبة شوية علشان كدة فى امهات بيقولوا لا انا عاوزة طريقة تانية فا الطريقة التانية هى بتوسخ البيت شوية لكن اريح للام والطف للطفل لانه بيلاحظ على نفسه انه ابتدى يعمل بيبى وابتدى بالتدريج يمرن نفسه بنفسه الطريقة دى ازاى ؟ هاتخدى الطفل وتلبسيه يعنى حاجة من فوق بس وتلبّسيه اما Underwear قماش ملابس داخلية قماش او يكون مش لابس ملابس داخلية يعنى بس يعنى مثلا شراب وتيشرت وبس ويفضل بقى ماشى فى البيت كدة بالملابس اللى فوقنية بس هتلاقيه كل ما يعمل بيبى لاحظ انه عمل على نفسه بيبى اه انتبه دة فى حاجة اول ما يعمل بيبى ويشوف على نفسه كدة تاخديه الحمام وتقوليله بيبى وتحطيه على التواليت كل مرة يعمل كدة هايبتدى ينتبه اه بالتدريج دة البيبى جاى انا هاروح التواليت يبقى نوع من التمرين الشرطى انه افتكر اه دلوقتى جه التواليت ماما بتاخدنى التواليت اول ما دة بيحصل فا انا هاروح دلوقتى الطريقة دى ممتازة جدا لانه بتعلمه الاعتماد على النفس لكنها للاسف يعنى مش مناسبة فى الشتاء فا انت اختارى مثلا تعمليها فى الصيف فى وقت يكون الجو فيه دافى علشان الطفل هايكون طبعا ماشى من غير ملابس داخلية ولا Underwear ولا بنطلون ولا كدة ويمكن برد عليه شوية بالتدريج هايبتدى الطفل يسيطر على البول والبراز وبالتدريج يقدر بالليل يسيطر على نفسه مابتجيش كلها فى وقت واحد كل شوية انت جربى مرحلة يعنى فى اول حاجة الكاكا بعد كدة مثلا البيبى بعد كدة بالليل وهكذا المراحل دى بتختلف من طفل للتانى احيانا الطفل يبقى اتمرن كويس لكن مثلا بيعمل على نفسه بالليل لان عنده مثلا مشاكل فى المدرسة او متأخر فى الكلام او متخانق مع اخواته ماتعمليش اى مشاكل لطفلك لو حصله انتكاسة شجعيه وقوليله طيب نجرب تانى افتكروا دايما ان فترة التدريب على استعمال الحمام هى اول اختبار لشخصية الطفل ولبناء ثقته بنفسه ارجوكم ماتكسروش ثقتهم بنفسهم متحطمهومش نفسيا خلوهم دايما حاسين بالفخر بنفسهم بانهم نجحوا مش بالتحطيم لانهم فشلوا وعملوا على نفسهم مرة او اتنين لو حسيتوا انه بعد التمرين حصل انتكاسة وان الطفل عاد مرة اخرى للتبول على نفسه بطريقة مبالغ فيها فا احنا بنشك انه بيكون فى التهاب فى المثانة وهو منتشر بين الاطفال واحنا مش عارفين احنا ممكن يحصلنا احنا لكبار التهاب فى المثانة وبنبقى فاقدين السيطرة على البول فتخيلوا الاطفال الصغيرين فى الحالة دى لو شاكيين فى ان مشكلة صحية فا رجاءا التوجه لطبيب اطفال ونصيحة منه هاتبقى على اساسها ازاى نوجه الطفل حسب كل حالة

اتمنى لكم كل الصحة والتوفيق فى اول اختبار فى حياة للطفل تحياتى