مرض السكر

مرض السكر من أحد أهم أمراض العصر ولازم نفهمه علشان نعرف إزاي الوقاية منه وإزاي نتجنب مضاعفات إذا أصبنا بيه تخيلوا معايا إن كل حاجة بنأكلها من مجموعة النشويات بتدينا سكر يعني مجموعة النشويات زي تحتويها الفاكهة المربات الـ Chips والـ Cookies  والـ Chocolate  والمكرونة والرز والخضراوات المجففة وبعض الأطعمة اللي فيها سكر مضاف زي الكاتشب كل الحاجات دي فيها سكر أو فيها نشويات فا تخيلوا معايا إن إحنا خدنا نشويات وتحولت لسكر والسكر دة دخل في الدم تخيلوا معايا هنا الخط الأحمر دة هو الأوعية الدموية فا السكر دخل وجه حاجة تستقبلوا اللي هي الأنسولين الأنسولين دة جاي من البنكرياس فا تخيلوا إن العربية اللوري دي هي الأنسولين هي الناقل للسكر فا السكر هايدخل فيها كدة والأنسولين يروح يشيله يوديه لخلايا جسمنا في خلايا جسمنا في حارس واقف على الخلية اسمه مستقبل الأنسولين Insulin Receptor مستقبل الأنسولين دة مهمته إنه يتعرف على الأنسولين يقدر يعرف العربية دي شكلها إيه ولما يعرفها يفتح الباب فا العربية تنزل السكر في الخلية وترجع تاني تجيب سكر كمان والحارس دة يقفل وقاعد مستنيها تاني يبقى الفكرة إن إحنا لو عاوزين تنظيم السكر في جسمنا يكون صحي يبقى لازم يبقى عندنا سكر كفاية في الدم وعندنا أنسولين كفاية وعندنا المستقبلات للأنسولين دي قادرة على تمييز الأنسولين وإدخال السكر للخلية لو حصل حاجة غلط بتحصل في واحدة من العوامل دي يبقى إما ماعندناش أنسولين كفاية العربية دي مثلا مش بتنتج كفاية أو عندنا عدد زيادة من الخلايا محتاج سكر كمان يبقى المشكلة في واحد من العاملين مشكلة في الأنسولين نفسه زيادة الطلب عليه أو إنه يكون قليل صنعه إمتى دة وإمتى دة؟ زيادة الطلب عليه لما يكون عندنا خلايا عددها أزيد من اللي يقدر جسمنا يعمله من الأنسولين إمتى دة؟ في حالة زيادة الوزن والحالة التانية إنه جسمنا عنده قدرة أقل من الطبيعي إنه يعمل أنسولين وفي بعض الأحيان هو بيدمر الخلايا اللي بتعمل الأنسولين بيبقى مرض يعني مناعي مشكلة في المناعة عندنا في الحالة دي لما يبقى عندنا المشكلة في نقص الأنسولين بنقول عليه Insulin Dependent Diabetes يعني معتمد على نقص الأنسولين وفي الحالة دي بنقول إن العيان محتاج لعلاج الأنسولين النوع التاني من السكر أو مرض السكر إنه يكون في حاجة غلط في مستقبلات الأنسولين دة بالذات لما نكبر في السن زي ما تقول المستقبل دة مابيبقاش قادر يميز الأنسولين زي ما تقول نظره ضعف هو طبعا مش حقيقي لكن تشبيه فا إحنا بندي للمريض أدوية بقول إنها عاملة زي ما تكون بنلبس المستقبل دة نظارة علشان يقدر يشوف الأنسولين صح فا في الحالة دي بنديله حبوب علشان الـ Insulin Receptors يقدروا يشتغلوا كويس ويأخذوا الأنسولين يفتحوا له الباب يبقى عندنا في علاج مرض السكر احتمالين إن إحنا يا إما ندي العيان أنسولين لأنه ناقصه عدد من العربيات دي يا إما نديله أدوية تساعد مستقبلات الأنسولين على إنها تميز الأنسولين بعض الأحيان العيان بيحتاج الأتنين يبقى عنده المشكلة في الحاجتين مثلا كبير السن ووزنه زيادة فا الأنسولين مش كفاية مهم أوي نعرف إنه لما نهمل علاج السكر أو مانبقاش عارفين إن عندنا سكر في أعراض معينة أحب أنبهكم لها بتلاقي إنه المريض السكر بتاعه مش عارف يدخل في الخلايا فا المشكلة هنا دة مش قادر يميز فمش قادر يفتح الباب أو مافيش عربيات كفاية فالسكر عمال يتجمع في الدم فلما السكر بيتجمع في الدم بيحصل إيه؟ إن إحنا بيزيد عندنا السكر في الدم وبيقل في الخلايا طب ومعنى كدة إيه؟ أول حاجة إن السكر دة هايسحب المياه اللي في الخلايا المياه هاتهاجر ناحية السكر فاللي بيحصل إنه لما الدم يبقى مليان مياه كتير أوي فنشعر برغبة في التبول كتير وطبعا بعدها بنعطش جامد يبقى أهم أعراض السكر ارتفاع نسبة السكر في الدم إنه الإنسان يحس بعطش فظيع ويروح الحمام كتير طبعا في أعراض تانية لكن دي أهم الأعراض أحب أنبه السادة اللي عندهم سكر في العيلة إنه لازم بعد سن الأربعين تحللوا دم علشان نشوف إذا كانت حالة السكر كويسة ولا لا ونتابع من بدري علشان المضاعفات بتاعة السكر سيئة جدا ممكن الواحد ينتهي بيه الحال إنه تبتر رجله أو يصاب بالعمى أو المشكلة في القدرات الجنسية أو حاجات كتير ممكن تحصل لأنك عرفت متأخر إنه جالك سكر أو مش بتعالجه كويس فأتمنى الوعي في الموضوع دة وطبعا مهم جدا الحفاظ على الوزن

أتمنى لكم كل الصحة