وظائف الكبد

علشان نحافظ على صحة الكبد لازم نعرف هو بيعمل إيه.

وظائف الكبد الرئيسية ها أكلمكم عنها في الفيديو دا.

الكبد عبارة عن غدة موجودة في أعلى يمين البطن هي من أكبر أعضاء الجسم وبتتكون من عدة فصوص والفصوص دي ها نشوفها من ورا.

إحنا عندنا كبد واحد وفي عدة فصوص لو تلاحظوا هنا الحويصلة الصفراوية. لو إحنا تخيلنا الكبد عبارة عن مصنع وظيفته أنه بيخزن حاجات وبيعيد تدوير حاجات فا مبدئيا الكبد له 3 وظائف يبني حاجات يكسر حاجات ويخزن حاجات.

بناء تكسير تخزين اللي بيحصل إن إحنا بنأخذ أكل على شكل بروتينات مثلا البروتينات دي اللي هي مواد البناء في جسمنا فا تخيلوا إنه البروتين دخل جسم الإنسان مثلا من البيض البروتين دة شكله مش مناسب إن إحنا نعمل بيه كل حاجة فا الكبد بيأخذه جواه ويغيره يعمله بروتين تاني مثلا بالشكل دة والبروتين دة مثلا هو من عناصر تجلط الدم فا الكبد بيأخذ البروتينات ويصنعها يبني منها حاجات تانية وعلشان كدة بنقول عليه مصنع.

تاني حاجه إنه مسئول عن هدم وتكسير حاجات معينة زي إيه السموم اللي بتدخل جسمنا كل حاجة لازم تعدي على الكبد علشان يخلصنا منها الأدوية اللي بنأخذها بالفم لازم تعدي على الكبد علشان يكسرها وتبقى نشطة لمدة معينة وبعدين يرجع يخلصنا منها الأدوية اللي اتاخدت بالدم والكبد عدت على الكبد بعد فترة معينة الكبد قام بإنهاء نشاطها بعد فترة معينة تاني حاجة إنه بيكسر الدهون فا إحنا لما بنأكل دهون الكبد بيصنع العصارة الصفراوية اللي بتخلي الدهون تتكسر وتتحول لمواد أخرى منها الكولسترول أيضا الكبد بيكسر كرات الدم يعني إيه كرات الدم بيعيشوا حوالي 90 يوم وبعدين يروحوا الكبد يكسرهم ويطلع منهم الحديد اللي فيهم ويخزنه جواه علشان نعمل منه تاني كرات دم فا هي زي ما تقول بتروح هناك تدفن علشان نعيد استخدام المواد اللي كانت فيها في الكبد.

طيب الكبد بيخزن كمان السكريات. لما إحنا بنأكل سكر الكبد بيخزنه في على صورة Glycogen والـ Glycogen دة هي المادة اللي مسئولة عن مصدر السكر في جسمنا فا إحنا لما نحتاج سكر ومش بنأكل سكر الكبد هايدينا شوية في الدم علشان نعمل طاقة ونتحرك وكدة.

إزاي نحافظ على الكبد الحفاظ على الكبد وظيفة مهمة لك لازم تكون واعي ليها كل يوم من أهم الحاجات اللي بتعطل وظيفة الكبد هي الكحوليات واستعمال الأدوية عمال على بطال يعني أنت تقعد كل ما تعيا مثلا تأخذ مضاد حيوي دة بيضر كبدك كل مرة أيضا لما تأخذ دهون كتير الدهون الكتير الكبد ما بيبقاش قادر يتصرف معاها فا بتتجمع في البطن وحوالين الكبد ويبقى عندنا كبد دهني والكبد الدهني مش قادر يحافظ على وظيفته وبالتالي لما نقلل الدهون الكبد هايقدر أكتر يشتغل حاجة تانية.

حافظ برضه على صحتك أن أنت تتأكد إن النظافة الشخصية في محيطك كويسة بحيث ما تتنقلكش فيروسات الكبد أو أي أمراض قد تؤثر على الكبد.

تمنياتي بكل الصحة