دوالي الخصية

دوالى الخصية مشكلة تؤرق الشباب وعاوزين يعرفوا عنها معلومات الفيديو دة هايشرحلكم فكرة حدوث الدوالى واسبابها وازاى بنحل المشكلة

مبدئيا يعنى ايه دوالى ؟ يعنى دوالى ودوالى الخصية يعنى ايه ؟ علشان نفهم يعنى ايه دوالى لازم نعرف فى الاول يعنى ايه شريان ووريد ووظائفهم والفرق بينهم

تعالوا نشوف على الرسمة دى هتلاقى القلب بيضخ الدم فى الشرايين وفى الشراين هتلاقى قوة ضخ الدم اللى جاي من القلب بتخلى الدم بسهولة يذهب الى اخر الشريان يعنى هتلاقى حتى الشريان فيه النبض دة من تاثير ضربات القلب لحد ما يوصل الدم الى نهاية الشرايين اللى هى الاوعية الدموية الشريانية هناك لما تبدى تتحول الى اوعية دموية وريدية ها يبدأ تاثير ضغط الدم اللى جاى من القلب يتوقف فقط التاثير بتاع الحركة للدم من اول الشعيرات الوريدية الى الاوردة الى القلب دة بيكون تاثيره جاى من العضلات اللى حوالين الاوردة يعنى من الحركة ويعنى بتاثير تجمع الدم واتجاهه يعنى بالازاحة كدة للآخر

اللى بيساعد على ان الدم مايتجمعش تحت وانه يرجع للقلب بسهوله ان الاوردة فيها صمامات الصمامات دى صغيرة اوى عاملة زى البوابات كدة تفتح تاخد الدم لفوق وتقفل تانى تفتح وتاخد الدم وتقفل تانى اللى بيحصل ان احيانا الصمامات دى يحصل فيها خلل وتبقى ضعيفة بحيث ان الدم يتجمع فى المنطقة اللى تحتها ويسبب تمدد الوريد فا لاحظ ان الدم دة يعنى مافهوش مواد مغذية ولا اكسجين ولا حاجة فا علشان كدة هو مضر

طيب فى الحالة دى بقى نقول عليه انه الوريد دة بقى دوالى دة هو تعريف الدوالى يبقى الدوالى هى اوردة متمددة ومتعرجة يتجمع فيها الدم لانه مش عارف يرجع بسهولة للقلب وغالبا السبب انه فى خلل فى البوابات اللى هى الصمامات اللى جوه الاوردة دى

قلة الحركة وغالبا تجمع الدم فى المنطقة دى والدهون يعنى زيادة الوزن والكرش وكمان الامساك وربما ارتداء ملابس ضيقة جدا دى كلها ممكن تكون بتساعد على سوء حالة الاوردة هناك فى المنطقة اللى هى فيها المشكلة

15% من الشباب عندهم المشكلة دى وبعضهم لايعانى من اى اعراض يعنى مافيش عنده اى مشكلة ولاحاسس بيها ولا حاجة لكن بعضهم بيحسوا بثقل والم خفيف او زائد فى منطقة الخصيتين عند نهاية اليوم بعد اما يكونوا وقفوا كتير فا فى الحالة دى طبعا ممكن يحتاج مساعدة طبية

ايضا الشباب اللى عندهم مشاكل مع دوالى الخصية من فترة طويلة بالذات على الناحيتين من وهما صغيرين اوى ممكن دة يؤثر على نمو الخصية عندهم فا نمو الخصية ممكن يعملهم نقص فى هرمونات الذكورة  وندخل بقى فى مشاكل تانية اللى هو ان الصفات الذكورية ماظهرتش على الولد فا لازم نشوف لها حل المشكلة الاكبر بقى اللى بتخوف كل الشباب ان تكون مؤثرة على خصوبتهم ليس بالضورة ان وجود دوالى الخصية يضر بخصوبتك ممكن تكون قادر على الانجاب حتى لو عندك دوالى الخصية لكن فى بعض الشباب لها دور لها تاثير فا معنى كدة انك فى كل الحالات لو تأخر الانجاب وقلقان يكون السبب منك لازم تكشف عن وجود دوالى الخصية من عدمه

اذا فا الاعراض بتختلف من شخص لأخر حسب شدة وسوء الحالة احيانا ما يكونش فى اعراض خالص واحيانا تحس بثقل فى نهاية اليوم بعض الشباب بيلاحظوا وجود ما يسمى بشنطة من الديدان يعنى شكل زى ما يكون الخصية عندهم او كيس الصفن تحديدا كانوا فيه دود من جوه دى علامة على وجود دوالى الخصية

احنا بنخاف انه دوالى الخصية تؤثر على وظائف الخصية بسبب غالبا ارتفاع درجة حرارة الخصية اللى بيسببها تجمع الدم اللى هناك وعدم عودته فا يعنى الدورة الدموية بكون متغيرة درجة حرارتها فا احنا بنقول للشباب اللى خايفين انهم يكونوا عندهم دوالى الخصية ومتأثرة بشدة يعنى زى نقى نفسنا من المضاعفات ان انت اولا تتجنب الملابس الضيقة وتعالج الامساك وتشرب سوائل كتير وكمان تبتعد عن الحاجات اللى بتسبب حرارة عالية للمنطقة دى زى الـ Shower السخن الحمام السخن او الـ Laptop   ماتحطهوش على الساقين كدة قريب من المنطقة وكمان ماتعملش ساونا الحاجات الحر او السخنة اوى اللى بتؤثر على المنطقة دى تجنبها بالذات لو انت شاكك انك عندك دوالى الخصية ليه ؟ علشان ما تؤثرش على وظيفة انتاج الحيوانات المنوية او عمل هرمون الـ Testosterone فى النهاية اللى هو هرمون الذكورة

باقى المضاعفات اللى احنا خايفين منها ان تسببها دوالى الخصية اهم حاجتين تأثير الخصية عندك وبالتالى تقليل الصفات الذكورية وانتاج الحيوانات المنوية وبالتالى الاصابة يعنى بالعقم لكن مش كل الشباب بيحصل لهم كدة بعض الشباب فا احنا عاوزين نتجنب ان دة يحصل عن طريق انك تهتم باسلوب الحياة الصحى وتتجنب درجات الحرارة العالية حوالين الخصيتين

العلاج بقى ايه علاج دوالى الخصية لو هى موجودة فعلا لو انت شاب صغير الطبيب عاوز يتابعك دائما باستمرار علشان يشوف اذا كان الدوالى اثرت على نمو الخصية عندك وبالتالى لو هى اثرت انت محتاج بقى علاج بالهرمونات او كدة طيب لو هى بتسبب الم فظيع وعندك مشكلة يمكن فى مثلا الانجاب ممكن تتكلم مع الدكتور فى اجراء جراحة عيب الجراحة حاجتين لاتضمن عودة القدرة الانجابية بالتاكيد احيانا اه واحيانا لا الحاجة التانية انه لا تضمن علاج المشكلة للابد يعنى ممكن يرجعلك تانى الدوالى

نصيحتى لكم فى النهاية علشان تتجنبوا المشكلة من الاصل هى اسلوب حياة صحى عن طريق تجنب الامساك المزمن شرب السوائل كتير ممارسة الرياضة تجنب درجات الحرارة العالية والملابس الضيقة علشان المنطقة التناسلية تكون الدورة الدموية فيها نشيطة

اذا كنت بتمارس العادة السرية فا انصحك انك ما تمارسهاش كتير لان المبالغة فيها ممكن برضه تكون احد الاسباب لكن ممارستها باعتدال ممكن تكون مفيدة يعنى مرة واحدة فى اليوم كفاية ولا تبالغ فيها ما تكونش عنيف مع نفسك وماتكونش اعصابك مشدودة ويعنى باسلوب الحياة الصحى هاتقدر تتغلب على المشكلة واحتمال ما تحتاجش اى علاج طبى لو انت معالج كل حاجة ومهتم بنفسك كويس

اتمنى لك كل الصحة تحياتى

مرض سكلر – فقر الدم المنجلي

أورام الرحم الليفية – رسالة هامة لجميع السيدات

اورام الرحم الليفية او بنقول عليها بالانجليزية Myomas Fibroids هى اورام موجودة فى الطبقة العضلية من الرحم  الرحم بيتكون من 3 طبقات طبقة داخلية وطبقة وسطى اللى هى متكونة من عضلة كبيرة وطبقة خارجية يعنى طبقة داخلية هنا بطانة الرحم والعضلة وطبقة خارجية والاورام دى بتحدث فى الطبقة العضلية منها علشان كدة بنقول عليها اورام ليفية لانها بتنمو فى الياف العضلة اللى هى بتكون طبقة الرحم الوسطى دى

هى ليست سرطان هى اورام حميدة ولا تتحول لسرطان.

المشكلة فيها انها بتسبب مشاكل للسيدة بحسب حجمها ومكانها فى الجسم علشان كدة عاوزة اشرحلكم ايه اللى ممكن يحصل منها

مين اللى بتجيله الاورام دى ؟ مين من السيدات ؟

حوالى نصف السيدات عند سن الثلاثين بيكون عندهم الاورام دى وحوالى 90% من السيدات حول سن الخمسين بيكون جالهم الورم دة ورم او اكتر منهم فامعنى كدة ان تقريبا كل السيدات لازم نتاكد ان ماعندهمش المشكلة دى فى مرحلة ما من حياتهم وعاملة لهم مشكلة تانية هما فاكرين انها حاجة تانية خالص

مين اللى عندهم فرصة اكتر ان تنمو الاورام دى عندهم فى الرحم ؟

الحقيقة ان السبب فى وجود الاورام دى ونوموها اكتر هو هرمون الـ Estrogen اللى هو هرمون الانوثة فا معنى كدة ان كل السيدات معرضات للاصابة به لكن فى سيدات عندهم فرصة اكبر شوية مين دول ؟  اللى عندهم عامل وراثى يعنى لو والدتك او اختك او خالتك جالها اورام فى الرحم اورام عضلية فى الرحم يبقى احتمال تصيبك انت ايضا يعنى الاحتمال اعلى ايضا السيدات اللى عندهم مشاكل فى الوزن زيادة الوزن ممكن تعمل مشاكل فى هرمون Estrogen ودة بيزود الاصابة او فرص الاصابة بالاورام الرحمية

يقال ايضا ان الاكل اللى فيه لحوم حمراء كتير بتزود الاصابه به

طيب الاعراض بتاعة الاورام دى بتختلف حسب ايه ؟ حسب حجم الورم وحسب مكانه فى اورام منهم بيكون حجمها مللى مترات صغيرة ودة عمرك ماهتلاحظى منه اى مشاكل  وفى منهم بيكبرو وبيبقو قد البطيخة قد كرة القدم فى الحالة دى طبعا هتلاقى مشاكل وبالذات لما يكون مكانهم يعنى فى موقع مؤثر على وظيفة عضو تانى  تعالو نشوف هنا على الرسمة من Dr. Frank Netter

هنا مثلا الرحم دة صغير اوى فيه ورم فا مش عامل اى مشاكل وموجود على قمة الرحم

الورم دة هنا فى المنتصف وبرضه مش عامل مشكلة هومتوسط الحجم

لكن لاحظو دة كبير وكمان سادد المجرى بتاع قناة فالوب اللى بتوديلنا البويضة للرحم فا معنى كدة انو ها يؤثر على خصوبتك ممكن يكون سادد قنوات فالوب

لاحظى دة متعلق من اعلى الرحم ونازل سادد الرحم فا معنى كدة انه ها يؤثر على حمل لو هو موجود ممكن يحصلك اجهاض وممكن ما يحصلش ان البويضة تنزرع فى جدار الرحم

لاحظى دة كمان سادد الفتحة اللى رايحة على المهبل فا معنى كدة انو ممكن يؤثر على ولادتك لو بتولدى تصبح الولادة غير ممكنة

لاحظى الورم دة خارج خالص من المهبل ومتعلق لبرة طبعا دى كارثة تؤثر على العلاقة الزوجية

لاحظى دة خارج من الطبقة الخارجية للرحم فى داخل تجويف البطن وعامل كرة كبيرة ممكن تعملك بطن والام فى الظهر

لاحظى هنا الورم دة كبير اوى لدرجة انه مخلى الـ Baby مش قادر يكبر وممكن كمان يسد قناة المهبل مايقدرش يتولد ممكن يضغط عليه لحد ما يفعصه خالص

لاحظى دة تحجر وملى مكان الـ Baby المفروض يكبر فا الـ Baby مش قادر يكبر خالص ممكن يموت الـ Baby

لاحظى دة حصلو التواء حول نفسه وعمل غرغرينة  دة ممكن تقتل السيدة

لاحظى دة خرج من جدار البطن فى فتاء وممكن يعمل كارثة تهدد حياتك

طيب تعالو نشوف على اللوحة دى ازاى ممكن الاورام تؤثر عليكى بطريقة كمان لو الورم هنا وكبير اوى هايؤثر على المستقيم ممكن يسد المستقيم فايبقى عندك مشكلة فى امساك مزمن ودة طبعا ممكن يؤثر على القولون بطريقة مزعجة جدا على مر السنين

لو الورم هنا وكبير خالص ممكن يضغط عندك على المثانة البولية فا يجيبلك رغبة فى التبول دائمة وكمان يمكن التهابات فى المثانة البولية

ممكن كمان لما يكبر هنا اوى كدة يعملك بطن كبيرة مهما حاولتى تخسى هاتفضل البطن شكلها مش حلو كمان بيؤثر على العلاقة الزوجية اولا بيعمل الم اثناء الاتصال الجنسى وكمان ممكن يزود الام الظهر لانه ثقل الرحم بيكون متعلق على الظهر بحزام فاثقل الرحم بيخلى الرحم يشد على الظهر فا يجيبلك الام فى الظهر احيانا بتكون قاسية جدا

غير طبعا ان اثناء الدورة الاورام دى مليانة شعيرات دموية فابشفط الدم من جسمك وتخرجه فى الدورة فا تعمل ايه ؟ هاتنزفى كتير اوى سبعة ايام او اكتر وكميات دم مهولة فا دة يجيبلك انيميا اللى هو فقر دم بسبب نقص الحديد سواء انيميا نقص الحديد هى اللى هاتحصلك فا هيحصلك بقى حاجات تانية مشاكل بقى يعنى ارهاق وقصر نفس وعدم قدرة على ممارسة اعمالك الطبيعية ويمكن يؤثر على القلب كل دى مشاكل بسبب حاجة موجودة فى الرحم وانت مش عارفة

تعالى بقى نلخص الاعراض اللى ممكن تحصلك من الاورام الليفية

لو هى صغيرة اوى مللى مترات قد العدساية ممكن مايكونش فى اى اعراض لو ابتدت تكبر حسب مكانها ممكن تعملك نزيف جامد مع الدورة ودورة طويلة تؤدى الى اعراض نقص الحديد يعنى نقص الحديد هايكون عندك مشكلة والانيميا دة فقر الدم دة هايعملك مشاكل تانية يعنى اعراض فقر دم بسبب دورة طويلة

مشاكل فى الامعاء هايكون عندك غازات وتعب ويمكن امساك مزمن وهكذا وتفتكرى انه عندك القولون بس انت عندك اصلا مشكلة فى الرحم

الحاجة التانية ان ممكن يجيبلك مشاكل فى القناة البولية انك تحتاجى تروحى الحمام كتير او التهابات فى القناة البولية وانت عمالة تعالجى الالتهابات لكن مش عارفة ان السبب فى الرحم ولو خلصتى من الرحم المشكلة اللى فيه هاتحلى مشكلة التبول وطبعا البطن الكبيرة الكرش وانت فاكرة انو بالرياضة مثلا وعمالة تخسى والكرش مش راضى ينزل ومكتئبة

آلام مع العلاقة الزوجية ودة يعملك مشاكل مع جوزك لانك مش عاوزة ونافرة من الجنس بينما المشكلة هى ممكن تتحل بسهولة

طيب علشان كدة انا بقول لكل السيدات والبنات اللى هايتجوزوا او فى اول الجواز من فضلكم بالذات فى الدول العربية لازم تروحوا تعملو الكشف عند طبيبة النساء علشان نعرف اذا عندكم الاورام دى ولا لأ ها تقيكم من مشاكل كتير فى العلاقة الزوجية ومع الحمل ومع الرغبة فى الحمل ممكن تتعطل بسببها فا دائما لازم من فضلكم تعملو الاختبار دة هايكون اختبار سهل ومش بيؤثر على عذريتك قبل الجواز

ازاى نشخص الاورام الليفية ؟ الاعراض ممكن تخلى الطبيب يعرف ان عندك مشكلة فى الرحم لكن بنتاكد بتشخيص عن طريق الموجات فوق الصوتية الطبيب بيحط الجهاز على البطن بالذات للسيدات او البنات غير المتزوجات واحيانا بيحتاجوا الاطباء لاستعمال الجهاز عن طريق المهبل فايعنى حسب الظروف علشان يشوفوا اكتر

احيانا لما بنكون شاكين ان فى حاجة محتاجة تتشاف اكتر يعنى نقول احتمال مايكونش ورم عضلى بس ممكن نكون شاكين انو مثلا سرطان فا بيطلبوا عينة من الرحم  من جدار الرحم او بيعملوا منظار بالصبغة يعنى حسب الظروف الدكتور هايقرر معاكى

ما هى العلاجات المتوفرة لاورام الرحم الليفية ؟ احيانا لما يكون الورم صغير ومش عامل مشاكل جبارة الطبيب ها يقولك نستنى شوية وبالذات لو انت فوق الـ 45 او 50 هايقولك يمكن مع اقتراب سن انقطاع الطمث هاينكمش لوحده لانه هايقل الـ Estrogen فى الجسم اللى هو هرمون الانوثة اللى بيكبرو لكن لو انت عندك مشاكل عندنا اختيارين ممكن نعملهم اول اختيار ان احنا ندى ادوية الادوية دى تحتوى على هرمونات وبالذات هرمونات الحمل يعنى Progesterone اللى هى موجودة فى مثلا حبوب منع الحمل فا يمكن الطبيب يديكى حبوب منع الحمل او يديكى الـ IUD اللى هو اللولب اللى بيحتوى على هرمونات هايؤثر فى نموهم فى احتمال تانى انك تكونى مصابة بانيميا شديدة بسبب نقص الحديد اللى سببو الـ Fibroid دة او الورم الليفى دة فايمكن الطبيب يكتبلك حديد اما ادوية يعنى حبوب او حقن حسب الظروف دى مهمة اوى فى اصلاح ما افسده تاثير الورم كمان ممكن يديكى مسكنات للالم لانه ممكن يكون عندك الام فى الظهر او مشاكل فى العلاقة الزوجية فالمسكنات يمكن تفيد

طيب السيدة بقى اللى عندها مشاكل جبارة من الاورام دى مثلا بطنها كبرت جدا او عندها امساك مزمن او مش قادرة تتنفس منهم او علاقتها الزوجية متاثرة وهكذا  او الورم خارج لبرة او مثلا عاوزة تكون حامل والاورام سادة الطريق خالص كل دول لازم نعملهم عمليات جراحية

فى عندنا اختيارين يا اما نشيل الرحم كله ودة طبعا للسيدات اللى مش عايزين يخلفو تانى او للسيدات اللى عايزين يجيبو اطفال تانى هانشيل الاورام بس فا العملية دى اسمها Myomectomy يعنى نشيل بس الاورام الرحمية دى يا اما عن طريق عملية من برة جدار البطن هانفتح فتحة شوية صغيرة زى القيصرية بس صغيرة او بالمنظار فتحات صغيرة جدا على جدار البطن يا اما عن طريق ادخال الجهاز عن طريق المهبل ونعمل العملية

فى اخر تطورات هذه العمليات عملية اسمها Uterine Artery Embolization يعنى احداث جلطات فى الشرايين اللى رايحة للاورام دى الجلطات الصغيرة دى بتخلى الورم ينقص الدم اللى رايحله وبالتالى فى الاخر يموت الورم يعنى من قلة الدم اللى جايلو

بعض السيدات بيلجئوا للطب البديل الطب الصينى البديل الابر الصينية والاعشاب من المعالجين بالبر الصينية بس عاوزة اقولكم ان العلاجات دى بتنفع بس لو الورم صغير اوى لكن لو كبير وعامل مشاكل مش هايحصل منه حاجة العلاج دة ولازم اللجوء لعلاج جراحى

اورام الرحم الليفية تؤثر على نوعية حياتك ممكن تجيبلك مشاكل كتير اوى فى حياتك وانت مش عارفة انها هى السبب علشان كدة بقترح بشدة ان اى سيدة فى سن الانجاب انك تروحى للدكتور وتكشفى للتاكد من خلوك من الاورام دى علشان تكون حياتك يعنى نوعيتها كويسة وتعملى كدة كمان باستمرار يعنى مش مثلا مرة واحدة تقولى لا ما عنديش وممكن يكبروا فجأة فا انت تروحى كل سنة تقريبا للكشف عند طبيب النساء علشان تشوفى ايه الاخبار وتفضلى دائما متطمنة على صحتك

اتمنالك كل الصحة والتوفيق تحياتى

تمارين كيجل لتقوية قاع الحوض للسيدات والرجال

تمارين كيجل او تمارين تقوية قاع الحوض اخترعها عالم امريكى طبيب نساء امريكى اسمه Arnold Kegel التمارين دى ممكن تساعد الرجال والنساء على تحسين وظائف معينة فى الجسم هاشرحها لكم دلوقتى

الفكرة ان احنا بنقوى عضلات موجودة فى قاع الحوض والعضلات دى بتساعدنا على الاحتفاظ بحاجات معينة لازم تفضل فوق فى الحوض

السيدات اللى بيعانوا من تسرب البول او البراز مع بعض الحالات المرضية الخفيفة منها ممكن نعالجهم بالتمرينات دى

ايضا الرجال اللى عندهم نفس المشكلة ممكن نعالجهم كدة كمان السيدات اللى عندهم والرجال اللى عندهم سقوط فى بعض الاعضاء اللى موجودة فى الحوض لتحت بنساعد بتقوية العضلة دى على بقائها فى مكانها

ايضا السيدات اللى عندهم مشاكل بعد الولادة من اتساع المهبل لدرجة ان علاقتهم الزوجية تاثرت سلبا ممكن نساعدهم بالتمرينات دى وايضا السيدات اللى عندهم صعوبة فى الوصول للنشوة او الـ Orgasm  اللى بيشتكوا من ان يمكن  دة بسبب ان حجم المهبل يعنى اوسع شوية من حجم القضيب عند الزوج فا احنا بنساعدهم بالتمرينات دى على انهم يوصلو للـ Orgasm  بطريقة اسهل

ايضا الرجال اللى عندهم مشاكل فى القذف سرعة القذف بنقول لهم يعملوا التمرينات دى كا نوع من تأخير القذف

التمرينات دى بتعوض ضعف عضلات قاع الحوض يعنى بتقويها وعضلات قاع الحوض هنا موجودة عند السيدات هنا فى قاع الحوض وفى الرجال ايضا هنا زى ما انتوا شايفين مع السهم

والسيدة ممكن تعملها باستخدام ادوات زى مثلا كرة بتتباع فى الصيدليات وبتحطها جوة المهبل وبتعمل عليها التمرين بس الحقيقة عمل التمرين من غيرها ممكن برضه يعنى النتائج مش فارقة اوى بس فى سيدات بيقولوا بيحسوا انهم بينقبضوا اكتر باستعمال الكرة

طيب نعمل التمرين ازاى اول حاجة لازم نلاقى العضلة صح نلاقيها ازاى ؟ اول مرة بس لما تيجى تدور عليها هى دى المرة الوحيدة اللى هاتعمل الانقباض بتاع العضلة وانت فى الحمام بتعمل البىيبى يعنى بتعمل التبول او التبرز

فا وانت فى الحمام او وانتِ فى الحمام اثناء خروج البول او البراز اقبض العضلة اللى بتمنع خروجه وقفه عن الخروج هى دى عضلة قاع الحوض لاقيتها ماتعملش بقى تانى كدة وانت بتعمل تبرز او تبول لان دة هايعملك امساك او مشاكل فى القناة البولية

وانتوا دايما قاعدين مثلا على المكتب على الكمبيوتر او فى العربية او واقفين مستنيين حاجة طابور ممكن تعملوا التمرين ازاى؟

نقبض العضلة دى لمدة 10 ثوانى اللى هى فى قاع الحوض دى 10 ثوانى نعد لـ 10 وبعدين نرخيها 10 ثوانى وكمان 10 ثوانى وهكذا 3 4 105  مرات لو تقدروا تعملو كدة كل يوم هتلاقى بالتدريج هتلاقوا نتائج كويسة من المشاكل اللى انتوا بتعانوا منها

التمرين دة ممنوع يعملوا الناس اللى عندهم التهابات فى البروستاتا او امساك مزمن او مشاكل فى القناة البولية زى التهابات القناة البولية المثانة البولية وهكذا

تمارين كيجل بتستعمل طبيا فا لو انتوا حابين تسمعوا عنها او تعرفوا عنها اكثر اقترح سؤال الطبيب هايساعدكم ازاى تعملوها وتعرفوا تعملوها افضل تحت اشراف طبى

اتمنى لكم كل الصحة والتوفيق تحياتى

الفحص الذاتي للخصية

الكشف الذاتى عن الخصية قد ينقذ حياتك لو اتعلمت تعمله هاتقدر تكتشف اذا في اورام جديدة ظاهرة على الخصية والتشخيص المبكر فعلا قد ينقذ حياتك سرطان الخصية منتشر بين الشباب من سن 15 لـ 35 سنة هو اشهر او اكثر انواع السرطانات شيوعا فى الشباب فا لو انت اكتشفت الورم بدرى هانقدر نعالجك اسهل بكتير من لو انه كان متاخر وانتشر

مطلوب منك تعمل ايه ؟ تكشف عن الخصية مرة فى الشهر تتعود على الاحساس الطبيعى اللى انت عارفه لخصيتك او الخصيتين بالتالى لو حصل ان لاقيت حاجة جديدة عليك تتجه فورا للطبيب طبيب امراض ذكورة

تعالوا الاول نعرف ايه الطبيعى علشان نعرف نلاقى ايه فى الخصية مش طبيعى

فى الكتاب دة شرح لشكل الخصية الطبيعى زى ما انتوا شايفين احنا شايفيين ناحية واحدة من الجنب لكن فى الرجل فى خصيتين الطبيعى احيانا يكون موجود خصية واحدة دة يعنى استثاء لكن طبيعى ان فى خصيتين واحنا شايغين من الجنب هنا

لو انتوا شايفيين هى تشبع البيضة كدة دة الجانب الامامى منها والجانب الخلفى منها متعلق عليه حاجة تشبه الدودة شوية دى مجموعة من القنوات الصغيرة جدا اللى بتجمع المني وتوديه بقى لطريقه فا انت الحقيقة لما بتكشف عن الخصية او على كيس الصفن بتلاقى الخصية ووراها حاجة كدة زى دودة وراها كدة okay

تعالوا نتعلم نشوفها على Model هنا يبقى انت اول كل شهر تحت الـ Shower مثلا او خلصت Shower وواقف يعنى مستقيم قدام المراية هتاخد كيس الصفن تحته الايد اليمين وتمسك بالايد الشمال من فوق اول ما تبتدى تحس هاتحس ان فى حاجة بتهرب منك فا يعنى هاتبقى حاسس انك مش عارف تحس كويس بالتدريج هاتتعلم تمسك كويس من فوق وتبتدى تبحث الناحية اليمين الاول تعمل ايه ؟ بالابهام وباقى الاصابع هاتعمل كانك بتعمل Rolling Movement يعنى حركة كدة كأنك بتلف حاجة كدة من فوق لتحت وفى حركة دائرية كدة وتبتدى بقى تحس الحاجات اللى احنا قلنا عليها وبعدين تمسك بالايد اليمين من فوق وتبتدى تحس بالايد الشمال الناحية الشمال كدة كأنك بتعمل Rolling Movement يعنى حركة كدة بتلف بين الاصابع بتحس وتبقى كدة انت اطمأنت على الناحيتين Okay

ساعات ممكن تلاقى ناحية اعلى من التانية معلش دة طبيعى بس اتعود على الشكل الطبيعى لجسمك بحيث لو حاجة اتغيرت تقدر تكتشف الفرق طيب الحقيقة ان احنا بنحس بقى ايه انت بتحس كدة يمكن واحدة اعلى من التانية او اصغر من التانية معلش لكن اتعود افتكر ايه الطبيعى عندك وبعدين وانت بتحس كدة بصوابعك من الناحية اليمين تحس حاجة زى البيضة Okayوبعدين الجزء الخلفى من فوق كدة من البيضة تبتدى تحس بحاجة تانية من ورا  زى الدودة كدة دى اسمها Epididymis دة طبيعى وبعدين الناحية التانية كمان تبتدى تحس ولاحظ كمان انك بتحس سطح البيضة دى ناعم زى البيضة بالظبط ومن ورا تحس الـ Epididymis دة Okay

الحجم الطبيعى حوالى 5 سم X 2.5 سم يمكن يكون اصغر شوية لو انت شاب صغير لكن المهم انك تحس ان السطح ناعم وتحس الدودة اللى ورا دى دة الطبيعى

لو فجأة الحجم صغر اوى او كبر اوى دة مش طبيعى Okay ممكن بقى تبتدى تلاقى حاجات غريبة ايه اللى ممكن تلاقيه؟ لو لاقيت فجأة ورم انت حاسه كدة السطح ناعم وكل حاجة وفجأة فى هتلاقى ورم قد مثلا البسلة حبة البسلة او قد العدساية فى الحالة دى مش طبيعى فى حاجة غلط حتى لو مافيش الم او لو تلاقى ورم قد رزاية كدة برضه مش طبيعى دة يعنى يستدعى فورا انك تروح لدكتور Okay طيب ايه ممكن كمان تلاقيه ؟ لو عندك بالذات الم كمان وتحس الخصية والدودة اللى وراها الـ Epididymis تحس بقى كمان هنا هتلاقى حاجة احساسها كأنها شنطة فيها دود دة احساس دوالى الخصية دة برضه يستدعى انك تزور طبيب

تعالوا نراجع الحاجات اللى احنا قلناها علشان نتعلم ازاى نكشف على الخصية وتبقى واقف وتشوف السطح من تحت ايه اعلى من التانية وبعدين تشوف بقى صابعك السطح ومن ورا اذا كان ناعم وفى الدودة اللى ورا دى وبعدين تكشف على اذا كان فى اورام الحاجة الغريبة اللى ممكن تلاقيها كمان تغيير فى اللون يعنى لو لاقيت اللون فجأة كيس الصفن بقى ازرق او احمر اوى او غريب لونه غريب عن اللى انت متعود عليه دة برضه غريب لو في اى الم يستدعى برضه زيارة طبيب ولو لاقيت الشنطة دى اللى فيها الدود يبقى دة يستدعى برضه زيارة الطبيب اى تغير فى حجم الخصية سواء كانت موجودة وكبرت اوى او مش موجودة وفجأة لاقيت ورم مكانها يستدعى انك تسأل طبيب عن الموضوع تكشف على نفسك مرة فى الشهر باحثا عن اورام فى حجم البسلاية او العدساية او الرزاية على سطح الخصية او اى تغير فى حجمها او لونها او شكل كيس الصفن

اتمنى لك كل الصحة تحياتى

سن انقطاع الحيض (سن اليأس)

Menopause  هو سن توقف الطمث هى فترة من حياة السيدة حول سن الخمسين تبتدى الدورة الشهرية تتغيب عنها واذا تغيبت لمدة 12 شهر متتالية نقول عليها دخلت فى سن انقطاع الطمث هى بتحدث طبيعيا حول سن الخمسين لكن ممكن تحدث قبل كدة قبل سن الاربعين بنقول عليه سن انقطاع الطمث مبكر وممكن يكون له سبب وراثى ممكن يكون مرض ما ممكن تكون السيدة تعرضت لاشعاع علاجى اوقف وظيفة المبايض عندها او ازالت الرحم والمبايض نتيجة سبب ما يبقى ممكن سن انقطاع الطمث دة يحدث للسيدة فجأة بعد مرض ما بس بنقول عليه دة مبكر او مع سن طبيعى حول سن الخمسين فى الحالتين ها تعانى من مشكلة اعراض معينة تحدث نتيجة نقص هرمون الـ Estrogen اللى هو هرمون الانوثة يبقى المشكلة مع سن انقطاع الطمث هو ان غابت وظيفة المبيض الاساسية اللى هى انتاج الـ Estrogen وكمان طبعا الوظيفة الثانية المهمة جدا اللى هى عمل البويضات فا انت غير قادرة على الانجاب مرة اخرى اللى بيحصل انه المبيض بينكمش وبالتالى تقل قدرته على اداء وظائفه

المشاكل الصحية المتعلقة بسن انقطاع الطمث تكون فى ثلاثة خطوط عريضة المشاكل العضوية اللى بتحصل يعنى انت حاسة اعراض ظاهرة عليكى والمشاكل النفسية متضايقة او مكتئبة او عندك رغبة اقل فى ممارسة العلاقة الحميمة وايضا المضاعفات اللى ممكن تحصل بسبب سن انقطاع الطمث

تعالوا نتكلم الاول فى الاعراض اول الاعراض اول اللى هاتبتدى تلاحظيها انه الدورة الشهرية ابتدت تتلخبط يعنى بقت تيجى مثلا مرتين فى الشهر بدل مرة او تغيب ثلاثة شهور او الكمية اكثر بكتير او اقل بكتير لخبطة كدة غريبة

العلامة الثانية المهمة انك تلاحظى حاجة اسمها Hot Flashes يعنى تحسى انك حرانة فجأة كدة هبات حرارية على جسمك وجلدك احمر وعرقانة وبتيجى ساعات بالليل بنقول عليها Nights Sweats عرق او تعرق ليلى هايقومك من النوم وطبعا دة ها يسببلك ارق وممكن يضايقك فى شغلك تانى يوم ممكن برضه تلاحظى مشاكل فى المهبل يعنى يكون اكثر جفافا من السابق او فى حرقان او حكة او الم اثناء العلاقة الحميمة كمان ممكن تلاقى مشاكل فى سلس البول يعنى تلاقى انه فقدتى شوية بول مع الكحة او العطس الحقيقة ان دة سببه انه الاعضاء الداخلية فى الجسم بتهبط شوية لتحت مع تقدم السن وبالتالى بتضغط على قناة مجرى البول اللى بتخرج البول لتحت فا كل ما تضغطى انت مثلا بالكحة او العطس يزيد الضغط عليها وتسربى نقط من البول

فى مشكلة ثانية ممكن تحصل انك وزنك هتلاقيه بيزيد شوية- ليه؟ الجسم بيحاول يخزن هرمونات الانوثة فى مكان ما ودة ممكن يتعمل فى الخلايا الدهنية فا هتلاقى ان دهون البطن ابتدت تتجمع جوه البطن دى ما بتتحلش بشفط الدهون على فكرة وهتلاقى كدة ظهر بطن وجناب وحاجات جديدة ما اتعودتيش عليها فى جسمك

فى حاجة ثانية ممكن تلاحظيها انه يمكن تلاحظى زيادة فى الشعر فى منطقة الذقن وحوالين منطقة الشنب ويمكن تلاحظى حبوب جديدة ظهرت على الوجه دة بسبب اختلال الهرمونات بحيث هرمونات الذكورة بيبان اثرها اكتر عليكى احنا برضه السيدات عندنا هرمونات ذكورة

هتلاحظى برضه انك عصبية شوية زيادة عن اللزوم وعاطفية اوى بتعيطى فجأة من غير سبب او صبرك اقل من زمان وتركيزك كمان فى القراءة اقل بكتير عن زمان قد تلاحظى ايضا مشاكل نفسية زى انك مصابة بأكتئاب يعنى قوى او ضعيف المهم انك تحسى انك زعلانة او فى حاجة مضليقاكى طول الوقت فى كمان حاجة انك بتفقدى الرغبة الجنسية احيانا مش فى كل السيدات لكن دى برضه اسباب نفسية ممكن تسببلك مشاكل فى حياتك الزوجية

المضاعفات اللى ممكن تحصل مع سن اليأس او سن انقطاع الطمث كما احب ان اسميه هى متعلقة بان احنا بتقل كثافة العظام عندنا فا هشاشة العظام من اهم المشاكل اللى ممكن نواجهها ودى لازم نتعامل معاها طبيا الحاجة الثانية اننا بنعانى من مشاكل فى الجهاز الدورى اللى هو القلب والاوعية الدموية احنا معرضات اكثر للاصابة بمشاكل فى القلب و فى الاوعية الدموية عموما زى امراض الضغط والجلطة اوالسكتة الدماغية دى كلها ممكن تزيد فرصتنا فيها بعد سن انقطاع الطمث

ازاى نعرف ان السيدة فى هذا السن ؟ مافيش تحليل دم ممكن نعمله احنا بنخلى السيدة تقولنا على اللاعراض واحنا نتخيل او نتوقع ان هى دى اعراض سن انطاع الطمث يعنى ما تقدريش تعملى تحليل دم علشان تعرفى اذا كانت الهرمونات عندك كويسة ولا لأ لانه هى عمالة بتختلف كل يوم حاجة عن التانية فا مش بنقدر نميزه من تحليل دم

علاج سن انقطاع الطمث بنتكلم فى خطين الحقيقة انا بجدهم متكاملين والمفروض تنظرى فيهم هما الاثنين الاول هو الخط الطبى انك تروحى عند الطبيب وتاخدى حاجة تعوضلك الهرمونات زى فى سيدات بياخدوا هرمونات بنوع اللى بنقول عليها هرمون الـ Replacement Therapy (HRT) لكن مش كل السيدات مسموح لهم ياخدوا العلاج دة بسبب تاريخهم المرضى يعنى لو عندك تاريخ فى الاسرة الاصابة بالسرطان او امراض معينة مش مسموح ان انت تاخدى الهرمونات دى فى سيدات بياخدوا حاجة اسمها Oral Contraceptive Pills او يعنى Birth Control Pills او يعنى حبوب منع الحمل الحبوب دى فيها هرمونات برضه فا ممكن تكون بتعوض الهرمونات المفقودة بس مش كل السيدات بيكونوا سعيدات بالنتيجة

بعض السيدات بتكتفوا باستعمال كريمات تحتوى على هرمون الـ Estrogen ويتعملوه حوالين منطقة المهبل وممكن دى فكرة كويسة والسيدات اللى بيعانوا من مشاكل نفسية ممكن يستعملوا مضادات اكتئاب والسيدات اللى بيعانوا من سلس البول فى عندنا اقتراح اننا نستعمل عند الدكتور حقن اسمها حقن Collagen الطبيب بيدخل فى منطقة قرب المثانة البولية ويحقن Collagen اللى بيحصل انه المنطقة دى بتبقى اضيق شوية فا تسرب البول بيقل يعنى مع استعمال الحقن دى

العلاجات البديلة اللى ممكن نستعملها بنفسنا هى استعمال اى حاجة تحتوى على هرمونات Estrogen او هرمونات الانوثة طبيعية من مصادر نباتية زى ايه ؟

اى حاجة فيها صويا زى كبسولات فيها صويا يعنى او اكل زى فول الصويا او الحمص او العدس كل دى تحتوى على Estrogen او اسمهم Isoflavones  دول هرمونات انوثة طبيعية بس بكمية اقل بكتير من اللى بيديهالك الدكتور فى الدواء بعض السيدات ممكن يكون عندهم مشاكل صحية سابقة تستدعى انك تتكلمى مع طبيبك الاول قبل استعمال  الحاجات دى بكميات كبيرة يعنى لو انت بتروحى للدكتور علشان دكتور النساء علشان تشوفى اعراض الطمث او انقطاعه كلميه برضه عن اى حاجة طبيعية بتاخديها اذكريها للدكتور

المشكلة الثانية ان احنا متعرضين اكثر للاصابة بمشاكل فى العظام علشان كدة مهم اوى ان انت تاخدى فيتامين D3 بتاع الشمس او تقعدى فى الشمس وتاخدى منتجات البان او كالسيم وفيتامين D3 فى كبسولة واحدة او حباية واحدة ممكن برضه بعض السيدات بيقولوا انا بحب اخد فيتامينات متعددة برضه دى فكرة كويسة الحاجة الثالثة المهمة هى فيتامين E فيتامين E دة كويس اوى علشان بيخليكى جلدك طرى اكتر يعنى ممكن تحطيه على جلدك وممكن تاخديه كبسولات وهو الحقيقة موجود كمان فى كبسولات الاوميجا 3 فا انت لو اخدى كبسولات اوميجا 3 فا دى حاجة كويسة يعنى محتوية على فيتامين E كمان وصديقك بقى كل الزيوت المحتوية على فيتامين E من الطبيعة اللى هى من اصول نباتية يعنى زيت الزيتون مثلا والمكسرات والحبوب اللى هى زى السمسم كلها تحتوى على فيتامين E ودة كويس اوى بس خدى بالك من السعرات طبعا لو كلتى جنزبيل او زنجبيل دة كويس للدورة الدموية وبينشط عندك نشاط كل الانسجة فا دى حاجة كويسة علشان تحسنى من انتاج الهرمونات عندك

فى حاجات بقى زى مثلا عشبة اسمها Black Cohosh او Wild Yam اليام البرى بعض السيدات سعيدات بالنتيجة بيستعملوه كا كريم او كبسولات جربيه يمكن يعجبك النتيجة

بعض السيدات بيقولوا انا شايفة تأثير الابر الصينية كويس اوى الابر الصينية بتشتغل على مستويات تحفيذ انتاج هرمونات وفى سيدات بيقولوا لما بستعمل الابر الصينية مع الرياضة بشوف نتيجة ممتازة

بنقول بقى اسلوب الحياة الصحى اللى هو انك تعملى رياضة وتاكلى كويس كل الحاجات الصحية فاكهة وخضار وزيوت نباتية كل دة ممتاز جدا لتحفيز انتاج الـ Estrogen عندك بطريقة طبيعية توقفى عن التدخين لان دة هاينقذ قلبك من مضاعفات مش كويسة ممكن تجربى تمارين اسمها كيجل انك تعملى انقباض للعضلة اللى فى قاع الحوض بأستمرار هاقوللكم عنها فى فيديو تانى ازاى بنعملها بس دى يعنى مقدمة لها

فى اليابان لاقوا ان السيدات اليابانيات بيعانوا اقل بكتير من اعراض سن انقطاع الطمث عن السيدات الغربيات واستنتجوا انه سبب كدة قد يكون فى انه اكلهم بيحتوى على حاجات طبيعية وصويا ونباتية اكتر وكمان بيتحركوا اكتر وان الثقافة اليابانية تحترم جدا دور المرأة حتى بعد التوقف عن الانجاب يعنى هى مش وظيفتها بس انها بتخلف لا دى عندها وظائف تانية كتير والثقافة اليابانية بتحترم دة جدا فا الحالة النفسية المتعلقة بفكرة انا غير قادرة على الانجاب اللى بتديهالنا ثقافتنا ممكن تكون سبب عندك كبير للأكتئاب الحياة بعد سن انطاع الطمث هى مرحلة جديدة ممكن نعمل منها حاجات كتير نتعلم تعليم جديد نفتح شركة جديدة مشروع جديد الحياة جميلة واحنا مش موجودين بس علشان ننجب اطفال عندنا وظائف اخرى كتير فى الحياة

استمتعى بحياتك وبكل سن بتمرى بيه واتمنى لك كل الصحة والسعادة تحياتى

حديث البلوغ مع طفلتك

اطفالنا بيكبروا بسرعة بين يوم وليلة وبنلاقيهم تحولوا من اطفال لبالغين الفيديو دة عن تحضير بنتك لمرحلة البلوغ اهم حاجة تعرفيها ان الاستعداد لمرحلة البلوغ يبدأ من سن صغير جدا يمكن من 4 سنين تبتدى تقولى لبنتك ان فى فروق بين البنت والولد تشريحيا فى شكلهم وبالتدريج بقى ايه تخدى العملية كل فترة تتكلمى مع الطفلة عن حاجات معينة مثلا توريها صور بنات وصور ولاد وبعدين اما تكبر شوية اما يبقى عندها 7-8 سنين تبتدى تكلميها عن امكانية حدوث الدورة الشهرية لازم تكلميها عن ان الدورة الشهرية هاتحصل قبل ما تحصلها ليه ؟  لأن ممكن الدورة لو حصلت وهى مش عارفة عنها حاجة تجيبلها صدمة نفسية كبيرة هى فجأة لاقيت دم فا مش عارفة حصل ايه وهاتحس بالرعب والخوف وتكون مكسوفة منك احسن تعاقبيها او خايفة منك فامهم اوى انك تفهمى طفلتك انك عارفة هايحصل ايه وتخليها هى مستعدة بحيث تكون جاهزة واعصابها هادئة خليكى جادة فى الحديث عن الموضوع خليكى صادقة ودقيقة واستعملى تعبيرات علمية ومحترمة لجسمها خليكى متفتحة يعنى ماتقوليلهاش مثلا ان الحاجات دى عيب هى دة جسمها ودى وظيفته ولازم تعرف عنها خليكى عملية كمان اول ما تبتدى تلاحظى مثلا انه الثدى ابتدى يكبر دى علامة ان البلوغ هايحصل قريب وعلامة كمان انك لازم تروحى تشترى لها ملابس داخلية جديدة

مرحلة شراء الملابس والفوط الصحية والحاجات دى ممكن تعمليها فى صورة هدية انك تجيبيلها هدية معاكى باسكت كدة او شنطة وفيها الحاجات اللى ممكن تساعدها انها تدخل فى مرحلة النضوج اللى هى يعنى البلوغ ونبتدى بقى ندخل فى المراهقة وكدة دايما فكريها كل يوم انك بتحبيها وان انت بتشجعيها على تقبل شكلها الجديد لانها هاتكون حاسة دايما انها مختلفة عن صحباتها ساعات يمكن يكون فى فرق لانه البلوغ بيحصل فى اعمار مختلفة عند البنات فا هتلاقى مثلا هى كبرت بسرعة اكتر من صحباتها او العكس فا هتلاقيها دايما غير واثقة فى شكلها فا انت دايما تأكدى لها ان هى على شكلها دة جميلة وهتبقى سيدة او آنسة صغيرة حلوة وهكذا كمان فهميها انه التغيرات الهرمونية اللى بتحصل دى بتحصل فى كل السيدات او فى كل البنات علشان يبقى لهم وظيفة الحمل والولادة اللى هاتحصل فى المستقبل

اوجدى يعنى Balance يعنى اتزان بين وظيفتك كأم وصديقة يعنى ماتكونيش صديقة يعنى متباسطة معاها اوى بحيث تفقد الشعور بان انت ليكى سلطة معينة وفى نفس الوقت ما تتدخليش اوى فى امورها وتتصلتى عليها بحيث تكرهيها او تبعديها عن الثقة فيكى او تخليها مش عاوزة تكلمك او عاوزة تخبى عنك حاجات

اتكلموا مع بعض فى مناسبات منتظمة يعنى خدى دايما الفرصة ان انت مثلا لو انت قاعدة معاها فى العربية ولوحدكم اتكلموا فى حاجات عن مثلا الحياة والحب والاغانى والافلام وكدة او لو انت مكسوفة تتكلمى فى الموضوع اشترى لها كتاب ممكن مثلا زى كتب زى كتب التشريح كبداية تتكلمى فيها مثلا دة اسمه Human Body فى كلام عن جسم الانسان وبيحصل ازاى الحمل وتطور السيدة والرجل وهكذا

طيب جهزى فيها الاحساس بأنها انسانة مستقلة يعنى لها مشاكلها تقدر تحلها بالتعاون معاكى او لوحدها جهزى فيها الاحساس بأنها بتكبر وبتنفصل عنكم كأنسانة مستقلة بذاتها عززى فيها الاحساس بأنها واثقة فى نفسها ما تقوللهاش انتى اقل من الولاد او انت ضعيفة او الحاجات دى لا خليها فخورة بنفسها كأنسانة قائمة بذاتها خلى بينك وبيها نوع من العلاقة اللى فيها نوع من الممارسات المعينة اللى هى متعودة عليها بنقول عليها Ritual زى تقاليد بينك وبينها انك مثلا تخرجوا مع بعض تروحوا تشتروا حاجات للبنات يعنى مثلا تروحوا تشتروا حمالات الصدر جديدة او تروحوا تشتروا لبس وتفهميها ايه اللبس المناسب لها او لو هى عايزة تتعلم تحط Makeup الاول فهميها انه فيه كيماويات كتير ويعنى مش لازم كل اللى بيعملوه البنات هى تعمله وعلميها يمكن مثلا تعمل منتجات تجميل طبيعية لنفسها فهميها ان الجمال الاصلى بيجى بالرياضة وبالاكل الصحى وبعدين اطبخوا مع بعض اكل صحى يعنى اتعودوا انكم مثلا تطبخى يوم الجمعة مع بعض مثلا حاجة صحية وتفهميها ايه مكونات الاكل الصحى فهميها ان الاكل الكويس بينعكس على جمالها وعلى شكلها وفهميها برضه انها لازم تاخد اطعمة معينة مثلا زى اوميجا 3 مفيد لصحتها

دخول الطفلة فى مرحلة البلوغ له جوانب معينة لازم نركز عليها مش بس الجوانب الجسدية يعنى هما فيه 3 جوانب رئيسة فى جوانب جسيدة وفى جوانب عاطفية وجوانب اجتماعية

تعالى نشوف الجوانب الجسدية البنت جسمها بيتغير تحت تأثير الهرمونات فا انت تقدرى توضحي لها التغيرات الللى هاتحصل فى جسمها بأنك توريها مثلا فى كتاب عن التغيرات اللى بتحصل على جسم الانثى التوقيت انك تختارى تكلميها امتى حرج جدا ولازم محتاج يعنى فن يعنى انت يعنى تقعدى مثلا تكلميها تلاقيها اتكسفت او مش عاوزة تتكلم خلاص التزمى بمشاعرها او احترميها فى انها مش عاوزة تتكلم وانتهزى فرصة ثانية كمان لو انت مكسوفة ممكن تديلها كتاب وتقوليلها اقريه وتقريه انت كمان الام وتتناقشوا فيه بعدين لو انت مكسوفة ممكن كمان تتكلموا وانتوا بتتفرجوا على التلفزيون او قاعدين فى العربية مافيش تواصل بالعينين تتكلموا عن حاجة انتم شايفنها مثلا شوفى البنت دى كبرت ازاى وبقت آنسة وطلعلها صدر وجناب وخلاص بقى هاتبقى ماما قريب مثلا

عززى فى طفلتك المشلاعر الانثاوية بانها فخورة بنفسها كانثى هى مش جريمة ولا هى عيب ولا جسمها عار هى انثى ومساوية للرجل فى كونها انسانة

لا تشعريها بانها مخطئة لانها بتحتفل بجسمها او تحتفل بشبابها خليها تحتفل وتسعد لو حابة ترقص ترقص مافيهاش حاجة التغيرات الجسمانية فى جسم البنت هاتحسسها لفترة انها مش واثقة فى نفسها لما تشوف البنات حواليها جسمهم بيتغير بطريقة مختلفة بدرجات مختلفة ممكن تحس بأنعدام الثقة فى نفسها لان الاعمار دى بتتغير ها ؟ فا انتى تبتدى تتكلمى معاها عن الدورة الشهرية مثلا من سن 9 سنين وتلتزمى بانك دائما تكلميها عن التغيرات اللى هاتحصل دى طول ما هى داخلة فى سنوات المراهقة لحد مثلا سن 16 او 18 تفضلى تتكلمى معاها عن التغيرات دى فا بالتدريج كل ماتنتهزى فرصة تكلميها فيها وتلاقيها هى متقبلة استمرى فى الكلام

مهم ايضا تعرف منك عن العلاقة الجنسية وكيف يحدث الحمل علشان ماتعرفهاش من مصادر برة تكون سيئة او خاطئة المعلومات اللى انت هاتديهالها عن الجنس هاتفضل معاها طول عمرها فا فهميها بطريقة ايجابية انه الجنس تعبير عن الحب بين الزوجين وانها حاجة مش عيب علشان تبقى علاقتها بجوزها كويسة مهم كمان ما تخوفيهاش من موضوع غشاء البكارة لان فى بعض الناس بيفهموا اولادهم انه حتى الرياضة بتأثر على غشاء البكارة وبالتالى بتخلى البنت تفقد يعنى الرغبة فى انها تتحرك او تعمل رياضة مع ان دى حاجة كويسة خوفا على غشاء البكارة وبالتالى كمان فى ناس بيروحوا يمارسوا مثلا الجنس الشرجى علشان يحافظوا على غشاء البكارة مع ان دة غلط خالص وخطر يبقى من الافضل انك تفهمى بنتك عن الامراض الجنسية اللى بتنتقل بالجنس احسن ما تخوفيها من حاجة يعنى قد يتحايلوا عليها او مالهاش اى معنى فى مدلول حياتها لانه من الاحوط انها تخاف من العدوى الجنسية حتى اللى بتنتقل بالتقبيل عن انها تخاف من تأثير اى حاجة على غشاء البكارة وتجيبلها وساوس عن حاجة مش موجودة يعنى هو طبعا موجود لكن مسألة انه بيتأثر بسهولة كدة من الحركة دة مش صحيح

عندنا بقى المشكلة الثانية فى مسألة تطور جسمها هتلاقيها بتقع منها حاجات كتير يعنى بتتحرك حركات ساعات غريبة كدة دة كلو لان جسمها بيكبر اكبر من قدرتها هى على استيعاب النمو دة فا ماتغضبيش لو هى وقعت حاجات او كانت بتطبخ ويعنى وقعت الحلة وبتاع فا انت خليكى حنونة معاها وتفهمى ان جسمها بيتغير وهى مش قادرة فعلا لسه تستوعب الـ Dimensions يعنى المقايس الجديدة لجسمها ماتكونيش عصبية معاها

الجوانب العاطفية من مرحلة البلوغ عند البنات هتلاقى فيها ان الطفلة مزاجها بيتغير 180 درجة فى عدة دقائق ساعات تبقى مبسوطة اوى وفجأة  تبقى زعلانة اوى وفى حاجات زعلتها انت مش شايفاها تزعل خالص وتلاقيها حساسة زيادة عن اللزوم وهكذا فا التغيرات دى بنقول عليها Mood Swings هتلاقيها واضحة اوى فى السن دة بسبب الهرمونات استحمليها وتقبليها واحتضنيها وحبيها هى دة اكتر حاجة محتاجاها

احيانا قد يقعوا فى مشاكل نفسية زى الاكتأب او مشاكل مثلا امراض فيما يتعلق مثلا بالشهية خدى بالك دائما راقبى ايه الموضوع علشان تعرفى اذا فى حاجة محتاجة تدخل منك او تدخل طبى مسألة الهوية احساسها بكونها انثى وتطورها من طفلة لأمرأة هى دى المرحلة اللى بتبتدى فيها خليها تفخر بكونها انثى وبوظيفتها فى المجتمع وانها هاتكون نصف المجتمع هاتكون مدرسة او طبيبة او ممرضة او انسانة عاملة فى المجتمع وممكن هاتكون ام يعنى كل الحاجات الوظائف اللى بتقوم بيها السيدة او الانسانة او الانثى مهم جدا للمجتمع فهميها وظائف الانثى دى كمان اديها الكثير من الحب احضنيها كتير وبوسيها كتير هى محتاجة الكثير من الحب فى المرحلة دى هتلاقيها كمان ابتدت تعلق صور مثلا نجوم السينما او متعلقة عاطفيا بحد لما تكتشفى مثلا انها بتكلم حد معاها فى المدرسة بطريقة معينة او ابن الجيران او بتاع ماتكونيش عصبية دة طبيعى امال هى هاتعمل ايه هاتحب طبعا فا انت احسنلك انها تحب قدامك بدل ما تعمل حاجات عجيبة من وراكى

مهم كمان انك تفهميها انها قادرة على حل مشاكلها بنفسها يعنى لما تحصل مشكلة تساليها رأيها بدل ما توبخيها وتعنفيها تقوليلها رأيها ونحلها مع بعض ازاى المهم تحلوا المشاكل مع بعض عند شعورك بأنك مش قادرة تفهمى طفلتك كويس وحاسة انك محتاجة مساعدة ممكن تقرأى كتب او تروحى لمعالج نفسى او مدرب يساعدك على فهم اطفالك اكثر ممكن تقرى كتب دة لاقيته مثلا فى معرض البحرين للكتاب كان جميل اوى (المراهقون المزعجون) كتاب ممتاز ممكن تقرأى فيه ازاى ممكن تتعاملى مع اولادك والشرح فيه بسيط والصور لطيفة اوى يعنى اقرأى اكثر فى الموضوع وانت هاتعرفى اكثر

الجوانب الاجتماعية من مرحلة البوغ تقتدى مننا اننا نفهن الطفل او الطفلة انها عضو فى مجتمع وفى قوانين للمجتمع فا المفروض ان انت تفهميها هو مطلوب منها ايه ؟ ايه هما القوانين فى البيت والقوانين للمجتمع اللى انت متوقعاها منها بحيث ماتبقاش عايشة على طول فى ضغط عصبى مش عارفة اذا كنتى هاتغضبى منها علشان هى عملت كدة ولا لا يعنى لو تقولى مثلا الاصحاب مسموح يتصلوا لحد الساعة 8 بالليل بالتليفون بعد كدة ممنوع طبعا لوحصل ان حد اتصل بعد 8 باليل مش تعمليها بقى مأساه طبعا تفهميها ان دة غلط ودة ازعاج وكدة وتفهميها ان دة ماينفعش تانى فا هى تبقى عارفة القوانين عارفة انها مش هاتغضبك وفى نفس الوقت كمان مش خايفة منك مش خايفة من غضبك بل خايفة على مشاعرك او بتحبك وبتحافظ عليها المهم اوى مسألة احترامها وتعليمها احترام القوانين من غير ارهاب طبعا الضرب مرفوض تماما وحدف الحاجات وبتاع مرفوضة الحاجات دى كلها

من الافضل ان البنت تتعامل مع اولاد لانها لو يعنى اتربت منفصلة خالص عن الاولاد لا فى المدرسة ولا فى النادى ولا فى البيت ولا فى الشارع هتلاقيها مش قادرة تتعامل معاهم فى المستقبل فا لما تكبر وتروح الشغل مثلا او الجامعة هاتبقى مش عارفة تتعامل معاهم صح فا مهم ان احنا نمرن الاطفال فى مرحلة البلوغ على التعامل بطريقة صحية مع الجنس الاخر يعنى مثلا لما يبقوا فى النادى تحت اشرافك الولاد والبنات بيلعبوا مع بعض او بيمارسوا رياضة مع بعض مافيهاش حاجة انهم يتعلموا ان الجنس الاخر دة مش Aliens مش جاى من الفضاء دول ناس زينا زيهم بنتكلم معاهم بطريقة عادية محترمة وكل حاجة

فى حاجة كمان هاتتعرضى لها من تأثير المجتمع هو تأثير الاصدقاء على الاطفال يعنى الاصدقاء ممكن يعرفوهم حاجات سيئة مثلا يتفرجوا على افلام سيئة او يقولوا كلام مش كويس فى المدرسة وفى كمان تأثير من التليفزيون من برة يعنى لما بيشوفوا حاجات مؤثرات خارجية مهم تكونى متابعة ايه اللى بيحصل ومهم تفهميهم ان قوانين البيت مختلفة مثلا عن قوانين البيت الثانى وان لو تخالفت القوانين دى او تعارضت فا احنا نحب نلتزم بقوانين بيتنا فا مهم ان الانسان يفهم ان فى مجتمع وله قوانين عامة وفى بيت وله قوانين خاصة لما الطفل يبقى فاهم القوانين كويس مش هايتخطاها بسهولة لكن لما يبقى كل شوية نتخانق معاه ويفهم بعد خناقة ان دة كان مش مسموح هتلاقى ان البيت فى تنشنة مش محتاجينها يعنى ممكن يكون فى ضغط عصبى اقل بكتير لما الطفل يكون فاهم انه عضو فى البيت وفى قوانين هو بيحترمها زيكم زيه

كونوا قدوة كويسة لاولادكم كلوا كويس اعملوا رياضة ما تتخانقوش عبروا عن حبكم لبعض وبالهدوء والمحبة والاحترام هتطلعوا انسان ناجح وكمان فترة المراهقة دى هتعدى على خير

اتمنى لكم ولبناتكم كل الصحة والحب والسعادة تحياتى

كيف تزيد هرمون الذكورة

الـ   Testosterone او هرمون الذكورة هو المسؤول عن جعلك رجل بيبدئ دوره من وانت جنين فى بطن الام ومسؤول هو فى الحالة دى عن ان الخصيتين بينزلوا مكانهم من تجويف البطن لكيس الصفن وبعد اما تكبر تبتدى بقى تدخل فى البلوغ هو مسؤول عن انك يعنى حجم القضيب عندك يكبر والخصيتين وصوتك يخشن ويتوزع الجسم على الجسم شعر كتير ويعنى العظام تبقى طويلة والعضلات تبقى قوية وكمان رغبتك الجنسية وهكذا يعنى هو هرمون اساسى فى جسمك لمنحك الخصائص الذكورية

الهرمون بيتغير تركيزه فى الجسم وتأثيره بحسب جسمك وطريقة حياتك وكمان سنك بيقل شوية على سن الاربعين علشان كدة فى سؤال بيحير الرجال ديما ازاى احافظ على الـ Testosterone فى جسمى يكون كميته مناسبة لرغبتى الجنسية وشكلى وهكذا فى رجال بيقولوا انا هاروح اخد Testosterone عند الدكتور وانا الحقيقة عاوزة اقولكم ان دة مش اقتراح مناسب او ذكى لان لازم تفهم ان انت جسمك قادر على انه يعمل Testosterone بنفسه لو عرفت ايه الاسلوب اللى يخليك تساعد جسمك انك تعمل كدة قبل ما اتكلم عن ازاى تعمل كدة هاشرحلك الاول هو بيتعمل فين

الـ Testosterone بيتعمل فى الخصية بصورة رئيسية والغدة فوق الكلوية برضه بتصنع هرمونات الذكورة وكمان لاقينا ان فى الجلد جلد الرجل بيصنع برضه هرمونات الذكورة بكمية قليلة جدا فا انت مطلوب منك ان انت تشجع جسمك انه يعمل هرمون الذكورة لانك لما تأخذه من بره المشكلة ان جسمك بيكسل يعمله فا انت بتأخذه من بره يؤثر طول ما انت بتأخذه وبعدين جسمك هايكون اتأثر بالتأثير الخارجى دة ويكسل يعمله فا الاحسن انك تشجع جسمك انه يعمل الهرمون دة تعمل كدة ازاى ؟

اهم حاجة انك تخلى الكيمياء بتاعة جسمك مظبوطة بالنوم الكفاية اول حاجة النوم الكفاية حوالى 8 ساعات فى اليوم شوف اذا انت مدمن حاجة مثلا انترنت او يعنى حاجة بتعملها بالليل ومؤثرة على نومك لازم تتعلم تتخلص منها علشان تنام كفاية

تانى حاجة اوصل للوزن الصحيح لو وزنك زيادة او قليل فى الحالتين عندك مشكلة فى انتاج الـ Testosterone فا لازم توصل للوزن المظبوط يعنى لو وزنك قليل قوى زوده ولو وزنك كبير قلله خليك دايما نشيط وبتتحرك كل يوم الحركة بتحفز انسجة جسمنا انها تعمل الوظائف بتاعتها صح فا انت حاول تمشى كل يوم نصف ساعة مثلا لكن فى حاجة تانية مهمة جدا هرمون الـ Testosterone مسؤول عن بناء العضلات ولما جسمك يبتدى يعمل مجهود الجسم بيقول انا عاوز ابنى عضلات وبالتالى بيعمل Testosterone اكتر من نفسه انت مش بتحتاج حاجة من بره علشان كدة عاوزاكم غير انكم تمشوا تتحركوا شوية تنشطوا الدورة الدموية انكم تشيلوا اوزان حمل الاوزان دة بيحفز انتاج الـ Testosterone ازاى نعمل كدة ممكن تشيل اوزان زى اللى بالـ dumbbells  او  kettlebells وممكن انت تتعلم تعمل رياضة فى البيت لوحدك بوزنك انت زى الـ push ups وكدة وفى ناس بيقولوا انا هاشترى حاجة كدة زى جركن او كيس رمل واشيله يعنى حمل الاوزان كدة دة كويس برضه المهم انك تشيل اوزان اهم حاجة حاجة تانية قلل الضغط العصبى فى حياتك شوف اذا فى حاجة مصدر ضغط عصبى عندك زى الشغل او علاقة زوجية او الحياة فى مدينة مزدحمة حاول دايما تقلل الضغط يعنى مثلا روح اجازات كتير برة القاهرة مثلا لو الضغط العصبى عليك كتير يعنى شوف اذا كان فى مشكلة فى الشغل حلها وهكذا الضغط العصبى مضر جدا بأنتاج الهرمونات عندك

بعض الادوية المسؤولة عن التأثير على هرموناتك زى الكورتيزون او الـ Steroids اللى بتأخذها فى الجيم دى بتضر بيك على المدى الطويل من الافضل ان لو انت عايز تبنى عضلات بجد تخلى جسمك هو اللى يعمل الهرمون وعلشان كدة الـ Steroids اللى بناخدها من برة ليست فكرة جيدة كان الـ Opioids والحاجات اللى فيها مثلا زى الحشيش والادوية اللى بتأخذوها علشان تهدوا اعصابكم وكدة ممكن يكون لها تأثير سيئ على هرمونات الذكورة عندك افتكر ان انت لما تأخذ اكل معين ممكن يكون محطوط فيه هرمونات برضه هياضرك خد بالك من الاكل المضاف ليه هرمونات زى الفراخ البيضة واللحوم عموما ممكن يكون فيها هرمونات تضر بأنتاجك للـ Testosterone بتاعك ايضا احمى الخصيتين خليهم الدورة الدموية فيهم ماتكونش معاقة بحاجة زى مثلا الجينز الضيق او بتاخذ خبطات كتير وانت بتلعب كورة فى المنطقة الحساسة دى وكمان قلل الكرش لانه المنطقة دى محتاجة دم كويس فا لو الكرش كبير وانت لابس جينز ضيق وكدة دة بيقلل انتاج الـ Testosterone عندك الحاجات اللى بناخذها من برة هى مؤثرة جدا على كيمياء جسمنا علشان كدة ماتنسوش ابدا انه التوازن الكيميائى فى جسمنا بيظبط وظائف الجسم من غير ما نحتاج حاجة خارجية مساعدة خارجية الرياضة النوم الكفاية الابتعاد عن الاكل والادوية اللى مش محتاجينها او المضرة وكل حاجة هتكون كويسة

متلازمة ماقبل الطمث

ظاهرة ما قبل الدورة الشهرية أو Premenstrual Syndrome هي ظاهرة تصيب 85% من النساء تقريبا وبتضايقهم حوالي أسبوعين في الشهر وطبعا دة يعني معنى كدة إن نصف حياتهم عندهم أعراض مضايقاهم والطب كان متردد إنه يعمل تشخيص لهذه المشكلة لكننا تأكدنا إنه في أكتر من 100 عرض السيدات بيعانوا منهم مع الفترة دي وعلشان كدة لازم نشوف له علاج لازم نشوف له حل الأعراض دي بتتفاوت من مثلا صداع مغص إرهاق آلام في العضلات وفي المفاصل آلام في الثديين وفي الساقين احتباس للماء صداع عصبية تحسي إن أنتي مودك بيتغير فجأة من غير سبب يعني مهم أو واضح طبعا دة بيؤثر على علاقتك في المجتمع في العيلة يعني مع جوزك وأولادك فا إحنا عاوزين نشوف حل للموضوع علشان هو في حلول يعني مش ما تتخيليش إن أنتي حياتك كدة المفروض تعيشيها لا في حلول للموضوع علشان نفهم الحل لازم تعرفي إنه إحنا بنحاول نعرف السبب الأول إيه سبب المشكلة بنفترض في التفسيرات الطبية للموضوع إنه دة سببه تغيرات الهرمونات في ما قبل نزول الحيض يعني أنت بتكوني قبل نزول الحيض على طول جسمك ابتدأ يستعد لحدوث حمل محتمل يعني بيزيد هرمون الحمل عندك فجأة اللي هو الـ Progesterone ودة بيعمل احتباس للماء في جسمك هتلاقي إنه يعني الرجلين ورمت والثديين ورموا وكل تحسي إن في آلام كدة دة بسبب احتباس الماء الماء كمان بيحتبس فين ؟ فوق في المخ ويضغط على الأعصاب فا غالبا الشعور العصبي والاكتئاب و الحاجات دي كلها هي بسبب إنه في ضغط زيادة على الأعصاب يعني تخيلي إن دة عصب وفي عليه ضغط جامد من المية المحتبسة والتغيرات الهرمونية يعني عموما اللي بتعمل تغيرات كيميائية يعني فا تحسي إنه المشكلة هي بسبب إنه في ضغط على العصب والحل يكمن في إننا نقلل الضغط ونقوي العصب يبقى عندنا حاجتين عايزين نعملهم نقلل الضغط على الأعصاب بان إحنا نتخلص من المية الكتير دي ونقوي الأعصاب بأننا نأخذ حاجة تحسن حالة الأعصاب المفروض إن أنتي ما تتحوليش لوحش مع الدورة الشهرية علشان كدة مهم جدا الحلول اللي هاقولها لكي دلوقتي أول حاجة إن إحنا نقوي الأعصاب بحاجات معينة إيه هي ؟ أهم الحاجات اللي بتقوي الأعصاب هي فيتامينات B المركب ممكن تأخذيه كمان حقن إذا الحبوب مش مؤثرة أوي هتلاقيها في الصيدليات وفيتامين E كويس جدا أقترح تأخذي فيتامين E لو بتأخذي كبسولات اوميجا 3 هايكون مضاف معاها فيتامين E فا أنتي مش هاتحتاجي تأخذيه زيادة هو كفاية مع اوميجا 3 وطبعا فيتامين D D3   بتاع الشمس أو تقعدي في الشمس شوية ومعاه كالسيوم أو تأخذي لبن وزبادي والحاجات دي في الحقيقة مجموعة فيتامينات كتير مهمة للأعصاب فا في سيدات بيقولوا أنا بأخذ فيتامينات متعددة بالذات في الأسبوعين دول يبقى دة كلام كويس يعني Multi Vitamins  الاختلال الهرموني اللي إحنا بنشوفه دة ممكن يكون بسبب إن الـ Progesterone زيادة أوي والـ Estrogen قليل نسبيا فا إحنا عاوزين نعلي الـ Estrogen شوية اللي هو هرمون الأنوثة فا لو تحبي تستعملي صويا حبوب صويا أو كبسولات ولو تحبي تأخذيها في حاجات طبيعية زي لبن الصويا والـ Tofu وكدة دول فيهم هرمونات أنوثة طبيعية يعني Estrogen طبيعي في حاجات تانية كمان إن إحنا لو بنأخذ أدوية بتمنع امتصاص الدهون زي أدوية التخسيس دي بتضر أوي بأعصابك فا أنتي لما بتأخذي الدواء دة هايحصلك مشكلة أكتر مع الـ PMS الحاجات اللي بتريح الأعصاب كمان حاجات طبيعية زي إنك تشربي قرفة مثلا يعني القرفة كويسة جدا للحالة النفسية لأنها كمان بتظبطلك السكر في الدم ودي حاجة كويسة إن أنتي في الفترة دي يكون السكر عندك مظبوط في مشروبات مش كويسة إنك تأخذيها زي الحاجات المسكرة يعني دي كل الممنوعات بقى السكر الشاي القهوة والملح ليه ؟ دول بيزودوا احتباس المية عندك فا بيزودوا الضغط دة ويتعبوا لك أعصابك زيادة فا أنا أقترح تشربي بدلهم مية كتير وعصير لمون مثلا وتأكلي مثلا حاجات زي الباذنجان والجنزبيل وتأخذي معاه مشروبات زي القرفة ملحوظة مهمة ممنوع القرفة للسيدات الحوامل لو عندك أعراض عصبية ممنوع تأخذي قرفة إلا لو قبل الولادة على طول الحاجات التانية بقى الطبيعية اللي إحنا ممكن نعملها علشان نتغلب علي المشكلة بتاعة الـ PMS  إن أنتي تمارسي الرياضة 30 دقيقة في اليوم تمشي أو تعملي يوجا اليوجا ممتازة زي مثلا الوضع دة اسمه وضع الطفل في اليوجا خديه كل ما تحسي إن أنتي عصبية أو عاوزة تتخانقي أو مكتئبة أو عندك مغص الوضع دة ممتاز أوي هايحسن حالتك النفسية في أوضاع تانية لليوجا لو تحسي إن أنتي حابة اليوجا ممكن تعمليها تعملي Application  عندك في التليفون أو تشوفي على الـ Site وتعملي معاهم التمرينات الحاجات الـ Alternative بقى إن أنتي مثلا تستعملي الكرة بتاعة الضغط دي أو تعملي بيها ماساج تتغطي بيدك كدة هايقلل عصبيتك عندك كمان الزيوت العطرية في حاجة اسمها زيوت البرتقال زيوت الجريب فروت Essential Oils  يعني لو حطتيهم في مية دافئة واستنشقتيهم أو شميتي العلبة كدة بتريح الأعصاب وفي حاجة كمان زي الإبر الصينية أو تقدري تستعملي خاتم بيعملوه علشان يعملوا ماساج للجسم من الأصابع تعمليه على أصابع اليدين أو القدمين دة جميل أوي بيريح الأعصاب يعني حاجات Alternative لكن لطيفة يعني ماتنسيش تنامي كفاية النوم الكفاية مهم جدا يعني في كل حياتك لكن بالذات في الفترة دي لأنه النوم قلته بتتعب الأعصاب وبالتالي بتزيد المشكلة عاوزة أقول لك إن إحنا في الفترة دي كمان بيجيلنا نفس نأكل Chocolate وحلويات عموما و Biscuits  ونشرب عصائر مسكرة وكدة السكر زيادته بتزيد احتباس الماء فا تزيد المشكلة سوءا فا أنتي حاولي شوية تقللي الرغبة في أكل السكريات كلي بدلها فاكهة سكريات صحية يعني واشربي مية كتير أوي علشان كل ما تشربي سكر أو تأكلي سكر كتير المية هاتنزله من جسمك فا أنتي اشربي مية كتير لترين مية في اليوم على الأقل السيدات اللي بيحصلهم المشكلة دي بطريقة بشعة جدا لدرجة ممكن يحاولوا الانتحار أحيانا الأطباء النفسيين ممكن يشخصوا حاجة اسمها Premenstrual Dysphoric Disorder المشكلة دي أنها بنقول عليها كأنها شبه الاكتئاب شوية ولازم نشوفلها حل طبي فا أنتي لو حاسة إن المشكلة مؤثرة عليك لدرجة فظيعة ومخلية حياتك الاجتماعية صعبة أقرح تزوري طبيب نفسي أو طبيب نساء بتاعك وتكلميهم عن المشكلة وفي لها أدوية أو أنا لا أقترح إن إحنا نستعمل أدوية مثلا مضادات الاكتئاب والحاجات دي على المدى الطويل لكن لو الموضوع خطر بقى ويعني بقيتي خطر على الأمن العام مضطرة تشوفي نصيحة طبية أهم حاجة إن أنتي تعرفي المبدأ إننا نقوي الأعصاب ونتخلص من المية المحبوسة في الجسم وننام كفاية ونمارس بعض الرياضة وها تكوني  بخير

أتمنى لكي كل الصحة تحياتي

وسائل منع الحمل-الهرمونية:غير الحبوب

طريقة تانية لوضع هرمونات في جسمك إنك تروحي عند دكتور تأخذي وسيلة ما زي اللولب اللي فيه هرمونات تعالوا نشوف بيعمل إزاي اللولب الهرموني أحد الوسائل الرحمية لمنع الحمل يتم زرعه داخل الرحم وهو يفرز جرعة من هرمون الحمل الـ Progestin  لمدة تصل إلى 5 سنوات اللولب الهرموني خيار مناسب إذا كنت لا تمانعين في أخذ الهرمونات أم مرضعة لا تتذكرين أخذ حبة منع الحمل كل يوم أو لا ترغبين أن تشغلي نفسك بها مدخنة تبحثين عن موانع حمل طويلة المدى من ذوات الطمث الغزير ذوات الدورة الشهرية المؤلمة تريدين استخدام وسيلة قد توقف دورتك الشهرية اللولب الهرموني لمنع الحمل ليس خيارا مناسبا إذا كنت تفضلين ألا تأخذي هرمونات تعانين من التهابات في الرحم أو الحوض تعانين من عيوب في الرحم أو تليف أو مشاكل في عنق الرحم بما فيها سرطان عنق الرحم تعانين من مرض نشيط في الكبد تعانين من نزيف مهبلي لم تعرف أسبابه مثل نزيف بين الدورتين أو بعد الجماع تعانين من سرطان في الثدي أو تعرضت لسرطان في الثدي خلال الخمس سنوات الماضية تعانين من مرض حاد في القلب أو تعرضت لأزمة قلبية تعانين من مشاكل في الأوعية الدموية والشرايين مثل الجلطات والدوالي لا تريدين أي تغيرات في دورتك الشهرية هذه الطريقة فعالة بنسبة أكثر من 99% هناك أيضا عصاه صغيرة يمكن حقنها تحت الجلد جلد الذراع مثلا لكل فترة معينة تروحي عند دكتور تأخذي الحقنة بتحقن بتحسيها تحت جلد الذراع لكن مش بتشوفيها وهي أيضا تحمل هرمونات لمنع الحمل الوسائل الهرمونية بالزرع يتم زرع أنبوب صغير ورفيع وطري بحجم دبوس الشعر في مكان ما تحت جلدك في الذراع مثلا يحتوي هذا الأنبوب على هرمون الحمل ويمكنك الاحتفاظ به مؤثرا 3 إلى 5 سنوات بعد الحقن الأنبوب المزروع هو خيار مناسب إذا كنت تبحثين عن موانع حمل طويلة المدى إذا كنت أم مرضعة إذا كنت لا تمانعين في أخذ الهرمونات إذا كنت من ذوات الطمث الغزير لا تتذكرين أخذ حبة منع الحمل كل يوم تريدين استخدام وسيلة قد توقف دورتك الشهرية الوسائل الهرمونية بالزرع ليست خيارا مناسبا إذا كنت لا تريدين أي تغييرات في دورتك الشهرية إذا كنت مصابة بسرطان الثدي أو تعرضت للإصابة بسرطان الثدي خلال الخمس سنوات الماضية قد عانيت من مرض حاد في القلب أو تعرضت لأزمة قلبية أو تجلطات دموية في عرق أو شريان تعانين من نزيف مهبلي لم تعرف أسبابه مثل نزيف بين دورتين شهريتين أو بعد الجماع هذه الطريقة ناجحة بنسبة 99% إذا تم حقنها بطريقة صحيحة وتستمر 3 إلى 5 سنوات هناك وسيلة أسهل اسمها اللاصق لاصق منع الحمل ممكن تضعيه على الذراع أو على البطن أو على الفخذ أقرح أنك تضعيه في مكان مايكونش في دهون كتير علشان يحسن امتصاص الهرمونات اللي فيه السيدات يعني وزنهم أزيد من 100 كيلو مش هايقدروا يستعملوه بسهولة لأنه الهرمون مش ها يدخل بسهولة من خلال طبقات الدهن تعالوا نشوف لاصقات منع الحمل تفرز اللاصقة جرعة يومية من الـ Estrogen  هرمون الأنوثة والـ Progestin   هرمون الحمل في مجرى دمك عبر بشرتك تدوم كل لاصقة لمدة 7 أيام ويمكن الاستغناء عن لاصقة واحدة لمدة أسبوع كل 28 يوم يعني تستعملي 3 لاصقات لمدة 3 أسابيع وتتوقفي لمدة أسبوع لكي يحدث الطمث هذه الوسيلة تعمل بنفس طريقة حبوب منع الحمل المركبة لاصقات منع الحمل خيار مناسب إذا كنت لا تمانعين بتناول الهرمونات من ذوات الدورة الشهرية غير المنتظمة من اللاتي تعانين من أعراض الدورة الشهرية لا تتذكرين أخذ حبة منع الحمل كل يوم لست مدخنة من ذوات الطمث الغزير لاصقات منع الحمل ليست خيارا مناسبا إذا كنت تفضلين ألا تتناولي الهرمونات أم مرضعة في عمر 35 سنة فما فوق وتدخنين أو كنت مدخنة خلال السنة الماضية قد عانيت من مرض في القلب أو متعلق بالدورة الدموية بما فيها الجلطات الدموية في عرق أو شريان إذا كنت تعانين من ارتفاع ضغط الدم إذا كنت من ذوات الوزن الزائد إذا كنت تعانين من سرطان الثدي أو تعرضت لسرطان الثدي خلال الخمس سنوات الماضية إذا كنت من ذوات البشرة الحساسة تصابين بالصداع النصفي أو الشعور الذي يسبق الصداع النصفي مصابة بمرض في الكبد أو المرارة تعانين من مضاعفات السكري أو مصابة به منذ أكثر من 20 سنة تأخذين أدوية معينة فعالية هذه الطريقة ناجحة بنسبة أكثر من 99% إذا استخدمت بالطريقة الصحيحة تأكدي أن اللاصقة لازالت موجودة بعد السباحة ضعيها على الجلد عندما يكون جافا وليس دهنيا بحيث تلتصق جيدا هناك أيضا الحقن الحقن بالهرمونات دي وتروحي للدكتور كل فترة تعالي نشوف إزاي إيه مزاياه وإيه عيوبه هناك نوعان متوفران من حقن منع الحمل الأول يدوم 8 أسابيع والثاني 12 أسبوع تؤدي هذه الحقنة إلى فرز هرمون الحمل في عضلاتك حقن منع الحمل خيار مناسب إذا كنت لا تمنعين في أخذ الهرمونات أم مرضعة لا تتذكرين أخذ الحبة كل يوم مدخنة من ذوات الطمث الغزير أو لديك أعراض الدورة الشهرية أو كانت دورتك الشهرية مؤلمة تريدين استخدام وسيلة قد توقف دورتك الشهرية حقن منع الحمل ليست خيارا مناسبا إذا كنت تفضلين ألا تأخذي الهرمونات تكرهين الحقنة تعانين من مرض حاد في القلب أو تعرضت لأزمة قلبية أو مشاكل في الشرايين في السابق قد عانيت من أمراض في الكبد تعانين من سرطان في الثدي أو تعرضت لسرطان الثدي خلال الخمس سنوات الماضية تعانين من خطر التعرض للإصابة بترقق العظام تعانين من نزيف مهبلي لم تعرف أسبابه مثل نزيف بين الدورتين أو بعد الجماع تعانين من مضاعفات مرض السكر أو مصابة بمرض السكر منذ أكثر من 20 سنة لا تريدين أي تغيرات في دورتك الشهرية لا ترغبين في زيادة وزنك لأنك قد تكتسبين وزن يصل إلى 3 كيلوجرام خلال 3 سنوات من استعمال هذه الحقن فاعلية هذه الطريقة هي ناجحة بنسبة 99% إذا أخذت الحقن في الوقت المحدد هناك أيضا حلقة توضع داخل المهبل وتستمر فترة تقدري تستعمليها وبتفرز هرمونات اللي هي منع الحمل دي أو هرمونات الحمل اللي هي بتفرزها علشان تمنع التبويض الحلقة دي لها أيضا مزايا وعيوب الخاتم المهبلي أو الحلقة المهبلية هو خاتم من البلاستيك رفيع وطيع تضعينه في المهبل لفترة من الزمن يفرز هذا الخاتم هرموني الحمل والأنوثة ويدوم الخاتم مدة 21 يوم لا تستخدمي أي خاتم لمدة 7 أيام مرة واحدة كل 28 يوم يعني تستعمليه 3 أسابيع تخرجيه من المهبل لمدة أسبوع لكي تنزل الدورة ثم تعيدين استخدام واحد جديد بعد الانتهاء 28 يوم بعد انتهاء الدورة الخاتم المهبلي خيار مناسب إذا كنت لا تمانعين في أخذ الهرمونات من ذوات الدورة الشهرية غير المنتظمة من ذوات الدورة الشهرية المؤلمة تعانين من أعراض ما قبل الدورة الشهرية لا تتذكرين أخذ حبة منع الحمل كل يوم لست مدخنة من ذوات الطمث الغزير الخاتم المهبلي ليس خيارا مناسبا إذا كنت تفضلين ألا تأخذي الهرمونات أم مرضعة تبلغين 35 سنة أو أكثر ومدخنة وتوقفت عن التدخين في غضون السنة الماضية قد عانيت من مرض حاد في القلب أو تعرضت لأزمة قلبية أو تعانين من مشاكل في الشرايين أو من ارتفاع ضغط الدم أو تتوقعين حدوث جلطات أو مصابة بالدوالي من ذوات السمنة المفرطة مصابة بسرطان الثدي أو تعرضت لسرطان الثدي خلال الخمس سنوات الماضية مصابة حاليا بسرطان في عنق الرحم أو المبيض أو الرحم تصابين بالصداع النصفي أو الشعور الذي يسبق الصداع النصفي مصابة بمرض في الكبد أو المرارة أو تعانين من مضاعفات السكر أو مصابة بمرض السكر منذ أكثر من 20 سنة تأخذين أدوية لفترة طويلة تعانين من نزيف مهبلي لم تعرف أسبابه مثل النزيف ما بين الدورتين أو بعد الجماع لا ترغبين في وضع أداه في جسمك تعانين من ضعف في عضلات المهبل لا ترغبين في أي تغيرات في دورتك هذه الطريقة فعالة بنسبة 99% إذا استخدمت بالطريقة الصحيحة دة كان تلخيص لوسائل منع الحمل الكيميائية أو الهرمونية يمكنك التوجه للطبيبة ويعني للمشاورة فقط تختاري الوسيلة الأنسب لكي بناء على معرفة مزاياها وعيوبها لكي وإن كان بعضها غير مناسب لك على الإطلاق بسبب حالتك الصحية

أتمنى لك كل الصحة