وسائل منع الحمل – الميكانيكية

من وسائل منع الحمل الطريقة الميكانيكية يعني إيه ؟ يعني بنحط حاجز يمنع وصول الحيوانات المنوية للبويضة أو حاجز يمنع البويضة الملقحة إنها تغرس في جدار الرحم وتبدأ في النمو تعالوا نشوف تلخيص لها إيه هي الوسائل المتاحة دي طبعا أولها الـ Condom الرجالي بنعمل بيه إيه ؟ بنحطه على القضيب بيمنع كحاجز كدة وصول الحيوانات المنوية للمهبل وبالتالي للرحم وحدوث التلقيح الواقي الذكري من وسائل منع الحمل السهلة لأنه في إمكانية دايمة للاحتفاظ به في متناول اليد هو خيار مناسب إذا كنت أم مرضعة إذا تفضلين ألا تتناولي الهرمونات إذا كنت مدخنة إذا كنت ترغبين في الحصول على حماية من الأمراض الجنسية إذا كنت نسيتي حباية منع الحمل وترغبين في حماية مؤقتة حتى تحصلي على حباية أخرى الواقي الذكري ليس خيارا مناسبا إذا كنت مصابة بحساسية من الـ Latex أو المطاط إذا كنت لا ترغبين عن التوقف عن المداعبة أثناء الاتصال الجنسي إذا كان الزوج لا يحبه طبعا إذا انقطع لابد من إيجاد وسيلة سريعة أخرى لمنع الحمل مثل حباية اليوم اللي بعده يعني In the Morning After Pill في حاجة تانية اسمها الواقي الأنثوي يشبه بالظبط الواقي الذكري شكلا لكنه أكبر والسيدة بتحطه في المهبل وممكن ترتديه لعدة ساعات قبل حدوث العملية الجنسية طبعا دة بيسهل إن يعني العملية الجنسية ماتبقاش متقطعة لارتداء الـ Condom الذكري تقدري تستعمليه كمان يعني لفترة بعد الاتصال الجنسي بحيث تبقي لابساه ويعني مايدخلش الحيوانات المنوية للمهبل فا أنتي ممكن تستعمليه عدة ساعات من غير قلق التخلص منه الواقي الأنثوي يمنع الحمل بنسبة 95% يوضع الواقي الأنثوي داخل المهبل وحول المنطقة الخارجية للشفرين الواقي الأنثوي خيار مناسب إذا كنت تفضلين عدم تناول الهرمونات أو إذا كنت أم مرضعة إذا كنت مدخنة إذا كنت ترغبين حماية نفسك من الأمراض الجنسية إذا كنت ترغبين في وضع الأداة لمدة قد تمتد 8 ساعات قبل الاتصال الجنسي الواقي الأنثوي ليس خيارا مناسبا إذا كنت لا تفضلين أن تضعي أداة في جسمك أو إذا رفض الزوج ذلك هناك أيضا الحاجز المهبلي وغطاء عنق الرحم Vaginal Cap تعالوا نشوف إيه ميزاته وإيه عيوبه الحاجز المهبلي وغطاء عنق الرحم يسمى أيضا بالعجلة المهبلية هو قبة دائرية مصنوعة من المطاط أو السيلكون عليك أن تدخليها في المهبل في كل مرة تقومين فيها بالعلاقة الحميمة مع زوجك هي خيار مناسب إذا كنت تفضين ألا تتناولي الهرمونات أم مرضعة لا تنزعجين من وضع أداة في جسمك وإذا كنت سيدة مدخنة الحاجز المهبلي وغطاء عنق الرحم ليسوا خيارا مناسبا إذا كنت لا ترغبين في إدخال أداة في جسمك مصابة بحساسية من المطاط أو الـ Latex لا تريدين استعمال جل أو كريم قاتل للحيوانات المنوية لا ترغبين في التوقف عن المداعبات حتى تستخدمي وسيلة لمنع الحمل معرضة للإصابة بالتهابات البولية تعانين من ضعف شديد في عضلات المهبل اقرئي الإرشادات في العلبة قبل الاستعمال هناك أيضا اللولب النحاسي تعالوا نشوف مزاياه وعيوبه اللولب النحاسي يمكن أن يبقي ما بين 3 إلى 10 سنوات بحسب النوع الذي تستخدمينه هو يوضع داخل الرحم ويمنع الحيوانات المنوية من الوصول إلى البويضة أو يوقف إنغراس البويضة المخصبة هو خيار مناسب إذا كنت أم مرضعة لا تتذكرين أخذ حبة منع الحمل ولا ترغبين في الارتباك بسبب حبوب منع الحمل تبحثين عن موانع حمل طويلة الأمد لا ترغبين في التوقف عن المداعبة حتى تستخدمي وسيلة لمنع الحمل أو تدخلي شيء في جسمك اللولب النحاسي ليس خيارا مناسبا إذا كنت تعانين حساسية من النحاس تعانين من عيوب في الرحم أو تليفات أو مشاكل في عنق الرحم من صاحبات الطمث الغزير أو التقلصات مؤلمة في الدورة الشهرية تعانين من التهابات منقولة جنسيا أو التهابات فطرية لم يتم علاجها أو التهابات في الحوض عموما تعانين من نزيف مهبلي لم تعرف أسبابه لا ترغبين بطمث أكثر غزارة لأنه يسبب زيادة في كمية الطمث هذه الطريقة فعالة بنسبة 99% لمنع الحمل طبعا في أساليب تانية زي عمليات ربط الأنابيب زي ما إحنا شايفين هنا في الرجل ممكن نعمل عملية ربط الأنابيب بحيث الحيوانات المنوية ماتوصلش في الأنبوب دة وتخرج مع العلاقة الحميمة فا اللي بيحصل إنه الطبيب بيدخل من هنا وبيعمل ربط للجزء دة بحيث يوقف الطريق على الحيوانات المنوية الطريقة دي لها مزايا إنه مضمونة تقريبا 100% لكن لها عيوب طبع إنه لو غيرت رأيك في المستقبل بيكون صعب الاسترجاع يعني محتاج عملية تانية علشان نفتح القنوات دي تاني للسيدات ممكن برضه يحصل عملية ربط للأنابيب بتبقى عملية جراحية تستدعي قطع صغير أوي أوي هنا فوق منطقة العانة وقطع تاني صغير في منطقة فتحة الصرة وبيدخلوا الأطباء بالمنظار يقطعوا أو يربطوا جزء من قناة فالوب بحيث البويضة ماتقدرش تعدي وتروح تقابل الحيوانات المنوية المشكلة في العملية دي إنها يعني عملية مكلفة ولو غيرتي رأيك ممكن تحتاجي عملية تانية دة كان تلخيص للطرق الميكانيكية يعني الحواجز اللي ممكن نعملها من غير استعمال أي هرمونات لمنع الحمل الفيديو عن الطرق الهرمونية دة فيديو منفصل وتابعونا فيه علشان لو شايفين إن الطرق التانية أحسن لكم

أتمنى لكم كل الصحة

الهرمونية- الحبوب

وسائل منع الحمل الهرمونية أو الكيميائية ها أعرضها عليكم في الفيديو دة مزايا وعيوب كل وسيلة لكن قبل ما أعرضها عاوزة أعرض لكم شرح لهي بتحتوي على إيه السيدة لما بتكون حامل لا يحدث تبويض هو النظام كدة في جسمها الهرمونات بتعمل توازن معين بحث هرمونات التبويض تحفيز التبويض تكون غير نشطة أثناء الحمل فا على هذا الأساس قولنا إن إحنا ندي السيدة هرمونات الحمل في حبوب علشان نمنع التبويض وبالتالي نمنع الحمل وبالتالي قالوا طيب خلينا نحط في الحباية دي هرمون الحمل وهرمون الأنوثة كمان فا الفكرة دي بتوضحلنا إن الحبوب اللي بنأخذها لمنع الحمل النوع الأول منها بيحتوي على هرمون Progesterone  اللي هو هرمون الحمل ومعاه هرمون الأنوثة اللي هو Estrogen عاوزة أشرح لكم كمان إن في نوع تاني من الـ Pills  دي أو حبوب منع الحمل تحتوي فقط على هرمون الحمل بكميات قليلة جدا بنقول عليها  Mini Pill  أو Progesterone Only Pill   POP الحبوب اللي ها أتكلم عنها ليست هي الوحيدة الحاملة للهرمونات إحنا ممكن نأخذ حاجة عند الدكتور تكون أيضا حاملة لهرمونات الحمل دي كل الوسائل دي هاشرحها حالا نبتدي بالحبوب حبوب منع الحمل المركبة اللي هي Progesterone   و Estrogen خلينا نشوف حبوب منع الحمل المركبة تحتوي علي هرموني Progesterone    هرمون الحمل والـ Estrogen هرمون الأنوثة مطلوب أن تأخذي حبة كل يوم لمدة 21 يوم ابدئي من اليوم السابع من الحيض حتى لو ترين دما يمكنك البدء في الحبوب خذي حبة كل يوم لمدة 21 يوم وأوقفيها لمدة 7 أيام باعتبار أن دورتك طولها 28 يوم حبوب منع الحمل المركبة خيار مناسب إذا كنت لا تمانعين في أخذ الهرمونات لتنظيم التبويض من اللاتي يعانين من آلام الدورة الشهرية لأنها ستقلل آلام الدورة من ذوات الدورة الشهرية غير المنتظمة لأنها ستنظم الدورة من ذوات الطمث الغزير لأنها ستقلل من تدفق الدم وبالتالي قد تقلل من إصابتك بالأنيميا أو فقر الدم إذا كنت مصابة بحب الشباب أو البثور قد تقلل المظهر السيئ لحب الشباب إذا كنت لست مدخنة حبوب منع الحمل المركبة ليست خيارا مناسبا إذا كنت تفضلين ألا تأخذي الهرمونات إذا كنت أم مرضعة إذا كنت تعانين من مرض في القلب أو الأوعية الدموية بما فيها تجلطات الدموية في الشرايين أو ارتفاع في ضغط الدم إذا كنت تعانين من مضاعفات مرض السكر أو مصابة بالسكر منذ أكثر من 20 سنة إذا كنت مصابة بمرض في الكبد أو المرارة إذا كان عندك تاريخ إصابة بسرطان الثدي في خلال خمس سنوات الماضية إذا كنت تصابين بالصداع النصفي أو الشعور الذي يسبق الصداع النصفي إذا كنت تعانين من السمنة إذا كنت تأخذين أي أدوية لفترة طويلة بعض المضادات الحيوية بعض أدوية الصرع بعض مضادات الاكتئاب قد تكون مؤثرة على وظيفة هذه الحبوب أقرئي دائما النشرات هذه الطريقة فعالة بنسبة أكثر من 99% بشرط الالتزام بموعد أخذ الحبة كل يوم الطريقة التانية هي الـMini Pill  أو الحبوب التي تحتوي على Progesterone    فقط هرمون الحمل تعالوا نشوف حبوب منع الحمل المصغرة POP  أو Mini Pill   تحتوي على هرمون الـ  Progestogen هو أحد هرمونات الحمل تأخذي حبة واحدة كل يوم في نفس التوقيت من خامس يوم في الدورة لا تنسي أن تأخذيها في نفس التوقيت وإلا ستقل كفاءتها حبوب منع الحمل المصغرة Mini Pill    هي خيار مناسب إذا كنت لا تمانعين في أخذ الهرمونات من ذوات الدورة الشهرية غير المنتظمة أم مرضعة مدخنة وتبلغين من العمر 35 عاما فما فوق من اللاتي يعانين من أعراض الدورة الشهرية حبوب منع الحمل المصغرة Mini Pill    ليست خيارا مناسبا إذا كنت تفضلين ألا تأخذي الهرمونات لا تتذكرين أخذ حبة منع الحمل كل يوم أو لا ترغبين في شغل نفسك بتذكرها قد أصبت بسرطان الثدي أو سرطان الكبد قد أصبت بتكيس المبايض قد تعرضت لحالة حمل خارج الرحم قبلا تعانين من نزيف مهبلي لم تعرف أسبابه مثل النزيف بين الدورتين شهريتين أو بعد الجماع لا تريدين أي تغيرات في دورتك الشهرية فعالية هذه الطريقة ناجحة بنسبة 99% إذا أخذت بطريقة صحيحة لو حصل طوارئ ممكن تأخذي حباية واحدة تحتوي على كمية مركزة من هرمونات الحمل بحيث يتخيل الجسم إنك حاما إمتى حالات الطوارئ دي لو نسيتي تأخذي حباية الحمل في معادها أو لو مش بتستعملي أي حاجة فا تعالوا نشوف الـ Morning After Pill دي بتعمل إيه Morning After Pill أو حبة اليوم التالي هي من أحد وسائل منع الحمل للطوارئ متى نستعملها عندما نمارس الجنس غير الآمن يعني مثلا لم تستعملي مع الزوج Condom  وحصل عملية جنسية غير متوقعة ولا تستعملين أي وسيلة أخرى أو إذا انقطع الواقي الذكري وحدث دخول للحيوانات المنوية داخل الرحم إذا استعملتي حبوب منع الحمل بطريقة خاطئة أو نسيتي أخذ الحبوب إذا تعرضت لاغتصاب أو ممارسة الجنس بدون رغبتك ستجديها في الصيدليات يجب استعمالها في حدود 72 ساعة بعد العملية الجنسية قد تكون من حباية أو 2 لكن حباية واحدة في أغلب الأحيان تكفي

الواقي الأنثوي

نظير الواقي الذكري هو الواقي الأنثوي تقدري تستعملي واقي لنفسك لحمايتك من الأمراض الجنسية أو لمنع الحمل وله طريقة معينة في الاستعمال حابه أشرحها في الفيديو دة لما تشتري علبة واقي أنثوي هتلاقي في العلبة 3 أو 5 تستعملي واحد في المرة احرصي على عمل ماساج خارج العبوة علشان يحصل توزيع متساوي للـ Lotion  اللي موجود في الـ Condom الخطوة التانية ابحثي عن العلامة اللي منها ها تفتحي العبوة سهم كدة الخطوة التالتة افتحي من عند السهم دة في خط مستقيم للنهاية استخرجي الـ Condom هاتلاقي له فتحة من ناحية ومن الناحية التانية مصمت وفيه حلقة امسكي الحلقة بين الأصبع الإبهام وبين باقي الأصابع بحيث تكون مفلطحة شوية امسكي الـ Condom من الحلقة بحيث تكون الفتحة لتحت افتحي الساقين وادخلي الـ Condom في الجسم في المهبل تأكدي إنه دخل لمسافة مناسبة ويبقى جزء خارجه مغطي الشفرات يمكنك ارتدائه 8 ساعات قبل الاتصال الجنسي بعد انتهاء الاتصال الجنسي لفيه كويس قبل الإخراج ثم أخرجيه اربطيه إذا تحبي وألقيه في القمامة وليس في الـ Toilet  الواقي الأنثوي وسيلة ممتازة لمنع الحمل ويحافظ أيضا على الجسم من انتقال أي عدوى فطرية أو تناسلية موجودة عند الذكر

أتمنى لك كل الصحة

الإفرازت المهبلية

كل نسيج في جسمنا بيعمل إفرازات النسيج هو مجموعة من الخلايا لها وظيفة معينة وفي أغلب الأحيان أو في كل الأنسجة تقريبا بيعملوا إفرازات للخارج بنشوفها يعني مثلا خلايا الجلد بتعمل إفرازات اللي هي العرق والإفرازات الدهنية خلايا مثلا الغشاء المبطن للأنف بتفرز المخاط خلايا الفم الخدود واللسان فيهم غدد لعابية بتفرز لعاب وهكذا الإفرازات دي لها شكل طبيعي ولها شكل مش طبيعي الحلقة دي عن إفرازات المهبل وإزاي نعرف إنها طبيعية ولا لا المهم أوي تراقبي إفرازاتك لأنها بتفهمك عن حالتك الصحية أخبارها إيه عايزة أعرفك إيه الطبيعي وإيه اللي مش طبيعي هنا الـ Sketch  هنا بيوضح إزاي المهبل يعني جزء عضو طويل كدة وعلى جداره خلايا من جوه وفيها بقى الخلايا اللي بتعمل الإفرازات دي اللي أنت بتستقبليها في الملابس الداخلية بتشوفيها إحنا عايزين نراقب إيه في إفرازات المهبل عايزين نراقب 4 حاجات عايزين نراقب الكمية اللون القوام والرائحة عندي توضيح هنا على الوسائل التوضيحية دي إزاي نعرف إيه أخبار الإفرازات بتاعة المهبل تعالوا الأول نشوف الطبيعي منها الطبيعي على اللوحات البيضاء هنا لو أنت شايفة هتلاقي إنه المهبل إفرازاته الطبيعية شفافة ساعات تبقى سائلة شوية كدة وساعات تبقى لها قوام شوية لكنها لونها مقارب للأبيض وشفافة أحيانا وأحيانا كدة قاتمة لكنها لونها أبيض ساعات تتحول لونها لأبيض مش شفاف يمكن بيج شوية وله قوام سميك شوية حوالين الدورة حوالين قبل وبعد نزول الحيض هتلاقي إنه الإفرازات بقت لونها شوية بني كدة دم قديم جاي ما فوق جاي من الرحم Okay ؟  بعض السيدات بيعملوا طريقة لمعرفة إنهم بيعملوا تبويض ولا لا عن طريق الكشف عن لزوجة الإفرازات دي لو هي سائلة شوية يعني مش سميكة أوي يبقى دة وقت التبويض بس مش بسهولة نعرف الموضوع دة دي التلاتة المناظر اللي ممكن نشوفها مع إفرازات طبيعية الكمية بتاعته بتزيد أحيانا مع لو أنتي مثلا مع حد بتحبيه أو بتفكري في حبيبك أحيانا بتزداد الإثارة فا تلاحظي إنه الكمية زادت لكن لو بتزيد بكميات رهيبة لدرجة طول الوقت عندك بلل في الملابس الداخلية يبقى فيه مشكلة أحيانا بتقل أوي لدرجة تحسي بجفاف وصعوبة في العلاقة الحميمة دي برضه مشكلة إيه وظائف الإفرازات اللي بتخرج من المهبل الإفرازات دي لها وظيفتين أساسيتين الأولى إنها الـ PH أو الحمضية بتاعتها بتقتل البكتيريا والحاجات المضرة اللي ممكن تدخل جسمنا الوظيفة التانية إنها بتسهل العملية الجنسية يعني كأنها جل مرطب وبيسهل دخول القضيب في المهبل علشان كدة مهم إن إحنا نراقب شكل وقوام وريحة وكمية الإفرازات دي لأنها بتدل على أخبار صحتك إيه ولو فيها حاجة مش طبيعية أقترح بشدة إن أنتي تروحي فورا للدكتور حتى لو أنتي آنسة الكشف عند طبيب النساء ممكن تعمليه وأنتي عذراء لأنه مافيش أي حاجة بتتعمل ضد رغبتك أو ممكن تؤثر على عذريتك تعالوا هنا نشوف إيه اللي ممكن يبقى غلط الأشكال اللي ممكن تبقى غلط في الإفرازات المهبلية في الشكل هنا شوفوا معايا  ممكن الكمية تبقى كتير أوي وسائل أوي كأنك طول الوقت الملابس الداخلية مبللة ممكن يتحول لونه لأصفر أو أبيض شبه الجبنة كدة كأنه فيه جبنة وغالبا ريحته كمان تبقى كأنه جبنة كدة كأنه فيه فطر وممكن يتحول للون شفاف لكن محمر كدة بمبي كدة دة معنى كدة إنه دة دم طازج جاي من مكان ما قريب يعني المهبل عنق الرحم دة غريب شوية احتمال تلاقي برضه ألوان غريبة تانية زي الأخضر والأزرق الأخضر والأزرق علامات سيئة معنى كدة إنه في بكتيريا موجودة في الإفرازات دي الكمية بتتأثر بالإثارة الجنسية حبوب منع الحمل لو بتأخذي أدوية معينة اقرئي دايما الـ Pamphlet اللي معاه شوفي مكتوب إيه إذا كانت بتؤثر على الإفرازات الضغط العصبي الشديد ممكن يزود الإفرازات فا أنتي مهم أوي إن حياتك تبقى فيها شوية استرخاء ورياضة علشان تحسن برضه الوظائف بتاعة الأعضاء التناسلية لو عندك عدوى أو التهاب مش لازم تكون عدوى جنسية ممكن تحصل لوحدها لأنك مش بتأكلي كويس مثلا أو عندك مشاكل في السكر في الدم للأسف أحد أعراض السرطان الإفرازات الغريبة دي وبتتغير كمان مع التبويض فا ماتتخضيش أول ما تلاقي إنه في مثلا إفرازات كتير فجأة حصلت ممكن يكون تبويض وأنتي مش متعودة يعني إنه يبقى شكله كدة طيب إيه أعدائك بقى إيه الحاجات اللي مش كويسة للإفرازات المهبلية الملابس الصناعية سيئة جدا بتؤثر على يعني ممكن تسبب التهابات في المهبل الـ Tampon أقترح ما تستعمليش Tampons أبدا لأنها ممكن تسببلك التهابات تؤثر برضه على الإفرازات إنك تتدخلي الدش جوه المهبل تغسلي بيه المهبل ممنوع وإن طبعا الجنس غير الآمن يعني لازم استعمال Condom لو العلاقات مش شرعية أكل السكر كتير والعيش كتير والنشويات والحلويات والحاجات دي بتؤثر على الحمضية بتاعة المهبل وهتلاقي الإفرازات اختلفت بعض الأدوية دايما اقرئي النشرة الضغط العصبي وسوء التغذية برضه بيؤثروا تابعي الإفرازات المهبلية مهم تتابعي صحتك منها واعرفي إيه منه الكويس وإيه منها اللي مش كويس علشان تبقي واعية بصحتك دايما

أتمني لك كل الصحة تحياتي

وسائل منع الحمل١- مقدمة

هل توجد وسيلة مثلى لمنع الحمل تنطبق على الجميع الإجابة لا كل حد له الوسيلة الأمثل المناسبة له ولزوجته علشان يمنعوا الحمل على أي أساس بنختار وسيلة منع الحمل المناسبة على أساس مزياها وعيوبها بالنسبة لنا وعلى أساس ظروفنا الصحية وأسلوب حياتنا يبقى في 7 قواعد أساسية عايزة أقول لكم عليها على أساسها بنختار وسيلة منع الحمل المناسبة  أول حاجة صحة مستخدم الوسيلة هل صحتك أو صحتكِ بتأخذي أدوية معينة عندك قابلية للإصابة بأمراض معينة تاريخ عائلتك المرضي كل دة عاوزين نعرفه علشان نقرر الوسيلة المناسبة لكي الحاجة التانية هي عدد مرات ممارسة الجنس لو أنتِ سيدة متزوجة وجوزك مسافر وبيشوفك مثلا أسبوع في السنة يبقى من الظلم إنك تستعملي حبوب منع الحمل طول السنة يبقى من الأفضل إنك تستعملى وسيلة أثناء لما بتشوفوا بعض بس العامل التالت هو هل تريد أطفال في المستقبل أم لا يعني لو إنتم قررتوا أنه مش عاوزين أطفال خلاص ممكن نعمل وسيلة تريحكم ومن غير أي أعراض جانبية وتخلصكم من إمكانية حدوث حمل الحاجة الرابعة هي نسبة نجاح الطريقة يعني في طرق بتنجح 99% إنها تمنع الحمل وطرق بتنجح بنسبة 50% فا إحنا لازم نعرف الطريقة دي مدى توقعتنا هل هايحدث الحمل إلى أي نسبة أم لا أيضا إذا كانت لها أعراض جانبية بعض وسائل منع الحمل لها أعراض جانبية علينا ولازم نعرفها علشان يبقى الإختيار واعي الحاجة السادسة هل هي سهلة الإستخدام أم لا يعني هل لازم نستعملها كل يوم ولا هي مثلا حقنة بنأخذها مثلا مرة كل 6 شهور ولا إيه الحكاية ما هي سهولة إستخدامها العامل السابع هو سعرها طبعا هاتكلفنا كام يستحسن تكون مناسبة للميزانية علشان نفهم حدوث منع الحمل إزاي لازم نفهم الأول إزاي بيحصل الحمل هنا Sketch  بيوضح جسم السيدة من الأمام وهاشرحلكم دلوقتي إزاى بسرعة بيحدث الحمل بيبدأ بالتبويض من المبيض وبعدين البويضة بتدخل في بوق قناة فالوب وتسافر في قناة فالوب وبتقابل الحيوان المنوي اللي جاي داخل من المهبل وبيعملوا حاجة إسمها الزيجوت الزيجوت دة اللي هو البويضة الملقحة وبعدين بيتغرس في جدار الرحم وجدار الرحم لازم يكون سميك كفاية علشان يتغرس فيه ويحدث الحمل ونمو الـ Baby جم العلماء قالو طب ما إحنا لو عاوزين نمنع الحمل نعمل إيه إما نمنع التبويض وإما نقطع الطريق على البويضة إنها تقابل الحيوان المنوي يبقى عندنا طريقتين لوسائل منع الحمل الطريقة الميكانيكية إن إحنا نقطع الطريق على البويضة إنها تقابل الحيوان المنوي أو الطريقة التانية إن إحنا نمنع التبويض من أساسه طبعا في طريقة تالتة إن إحنا نمتنع تماما عن ممارسة الجنس دي أحسن طريقة لمنع الحمل أو يعني أثناء ممارسة الجنس ممكن يمتنع الرجل عن القذف داخل السيدة لكنها طريقة مش مضمونة أوي يبقى الطريقتين الأساسيتين هي الميكانيكية إن إحنا بنقطع الطريق على البويضة إنها تقابل الحيوان المنوي أو إن إحنا بنمنع حدوث التبويض إزاي بنعمل كدة طريقة منع حدوث التبويض تعتمد على فكرة إن إحنا بنفهم جسم السيدة إنها حامل فا لما الجسم بيكون في حالة حمل لا يحدث تبويض هو النظام كدة فا إحنا بندي السيدة هرمونات هرمونات الحقيقة بتزيد مع الحمل هرمونات الحمل فا جسمها بيبقى فاهم إنها حامل فا مابتعملش بويضة الطريقة التانية إن إحنا بنمنع بحاجات معينة مقابلة البويضة للحيوان المنوي هاكلمكم عليها في Videos قادمة لكن هما الفكرتين دول الأساس اللي لازم نعرفه علشان نفهم وسئل منع الحمل في الـ Videos القادمة تابعوني لكل إختيار ممكن تختاروه إيه مزاياه وإيه عيوبه علشان يبقى قراركم واعي بناء على علم ووعي صحي

أتمنى لكم كل الصحة

أنواع الأمراض الجنسية

الأمراض الجنسية لها أنواع علشان كدة عاوزة أكلمكم عن أنواعها لأنه كل نوع له أعراض مختلفة وعلاج مختلف علشان كدة عاوزة ألفت انتباهكم للموضوع دا. إحنا بنقول عدوى جنسية وبنقول مرض جنسي- في فرق بين الاتنين. يعني إيه عدوى جنسية؟ يعني أنت أصبت أو أنتِ أصبتِ بحاجة نتيجة الاتصال الجنسي. الحاجة دي موجودة في الجسم لكن مش شرط عاملة أي أعراض فبنقول إن الشخص عنده عدوى جنسية- أصيب بعدوى جنسية- يعني عنده الفيروس أو البكتيريا أو الفطر أو أي حاجة طفيلية ومش ظاهر عليه الأعراض. لكن لما نقول عنده مرض جنسي، يعني عنده العدوى خلاص حصلت وكمان ظهرت عليه الأعراض، معنى كدة إن في فرق كبير بين إن الواحد يبقى عنده عدوى جنسية وعنده المرض مثال على كدة مثلا مرض بيجي من فيروس اسمه HPV المرض دة Human Papillomavirus  بينتقل الفيروس دة للرجل مثلا وبيبقى ماعندوش أعراض واضحة وينقله لسيدات كتيرة عمل معاهم علاقات والسيدات دول برضه ماتحصلش أعراض واضحة لكن بعد 20 سنة يصابوا بسرطان عنق الرحم مثلا فالمشكلة إن الأعراض ممكن ماتظهرش لكن المرض يكون كامن يعني العدوى موجودة لكن المرض مش واضح على الشخص ومن هنا مشكلة الأمراض الجنسية أي ممارسات حميمة بدءا بالتقبيل ممكن تنقل أمراض جنسية يعني في أنواع من السرطانات بتنتقل بالتقبيل لأنها هي في الأصل مش انتقال السرطان لكن انتقال الفيروس اللي بيسبب السرطان عن طريق التقبيل طبعا أنواع الجنس المختلفة بقى جنس مهبلي جنس شرجي أو فموي كل الحاجات دي بتنقل أمراض جنسية في خطوط عامة حسب نوع الشيء اللي سببلك المرض بنصنف الأمراض فا بنقول أمراض بكتيرية فيروسية فطرية أو طفيلية الأمراض البكتيرية زي مثلا الـ Clamydia Gonorrhoea Syphilis والأمراض فيروسية زي HPV وممكن دة ينتقل بالتقبيل أيضا Herpes الكبد الوبائي  يعني التهاب الكبد الوبائي ممكن ينتقل عن طريق الجنس وفي الحالة دي نسميه مرض جنسي وطبعا AIDS HIV اللي بينتقل برضه بالجنس الفطريات زي الـ Candida  مثلا بتنتقل من الزوج لزوجته أو من الزوجة لزوجها وممكن هو ينقله لزوجة تانية من الطفيليات زي مثلا القمل اللي بيصيب المنطقة التناسلية الجرب والـ Trichomonas مشكلة الـ Trichomonas إنه ممكن ينتقل للطفل اللي بتلده الأم طبعا أمراض كتير ممكن تنتقل للطفل عن طريق الأم إيه أعراض الأمراض التناسلية أو الجنسية ها أتكلم عنها للجنسين في لسته واحدة حرقان في البول للسيدات أو الرجال وألم مع الجماع بالذات للسيدات لو السيدة عندها مشكلة ما عدوى وهي مش عارفة عنها ممكن تكون مقرونة بنزيف بين الدورات أو بالذات مع الاتصال الجنسي هتلاقي برضه إفرازات لونها غريب من الشرج أو من المهبل أو من القضيب يعني ماتنسوش إن إفرازات الشرج ممكن تحدث كعلامة للأمراض الجنسية ممكن تلاحظوا رائحة كريهة من المنطقة التناسلية حكة غريبة جدا مؤلمة جدا حوالين المنطقة التناسلية طفح جلدي موجود على كل المنطقة التناسلية حتى منطقة الشرج ألم في البطن عموما ألم غريب في أسفل البطن مستمر ممكن بقى الأمراض اللي زي HIV تكون مصحوبة مثلا بواحد يجيله عدوى كتير معينة على طول أو مع الـ Hepatitis تلاقي المريض عنده مثلا الصفرة يعني تلاقي الأعراض ممكن تكون في جزء تاني من الجسم مش شرط المنطقة التناسلية مهم جدا أول ما تعرف إن عندك أعراض غريبة في المنطقة التناسلية أنك تتجه فورا لطبيب أمراض جلدية وتناسلية مش من حق الطبيب إنه يسألك عن حياتك الجنسية من واجبه فقط مساعدتك إذا الطبيب سألك عن تفاصيل أنت شايف إنها محرجة أو تدخل في حياتك ممكن ترفض الإجابة إحنا واجبنا إن إحنا نساعدك ونساندك مهما كانت تصرفاتك إحنا مالناش دعوة مش هانديك محاضرات أخلاقية أنت حر في حياتك مادمت مش قاصد تؤذي حد أتمنى لكم كل الصحة وفي الـفيديوز  اللي جاية ها نتفرج على الأعراض بتاعة كل مرض على حدة وهاوريكم من الكتاب صور الأعراض الغريبة اللي بتظهر مع كل مرض فا هنكون عارفين بقى واعيين كل مرض إيه أعراضه بحيث يعني تحسن الوعي الصحي بتاعنا وطبعا صديقي العزيز Google ممكن يساعدكم أكتر بالإنجليزي وبالعربي

أتمنى لكم كل الصحة

مراحل الولادة الطبيعية

قربتي على نهاية الحمل واقترب معاد الولادة، عايزة أفهم أنا امتى أبقى باولد، إيه العلامات اللي بتفهمني إن أنا باولد؟ علشان نفهم العلامات بتاعة الولادة لازم أشرحلكم حاجة عن التشريح للأم الحامل، شايفين هنا الرحم هو الدايرة اللي لونها Orange دة وجواه الطفل وفي حواليه سائل لونه مصفر شوية.

الرحم عبارة عن عضلة على شكل كيس والطفل جواه بيعوم في سائل جواه كيس برضه وبعدين عند عنق الرحم في حاجة زي سدادة قافلة الموضوع كدة يعني علشان إيه تحميه يعني من إنه يقع على بره فا علامات الولادة هي إما إن الرحم يبتدي ينقبض انقباضات معينة قوية جدا يا إما السدادة دي تقع لبرة تلاحظي إنه المخاط خرج لبرة ومعاه شوية دم يا إما تلاحظي إنه المية نزلت عليكي، مية كتير أوي فجأة كدة زي ما يكون جردل مية وقع دة مية نزلت- اللي هي المية اللي حوالين الـ Baby السائل الأمينوسي  الكيس بتاعه اتقطع والمية نزلت.

يبقى 3 علامات الانقباضات بتاعة الرحم المخاط اللي موجود في عنق الرحم هاينزل أو المية اللي حوالي الـ Baby هاتنزل الانقباضات دي هاتلاقيها إنها بتحصل الحقيقة في الفترة الأخيرة من الحمل في الثلاث أشهر الأخيرة هتلاحظي إن الانقباضات دي ابتدأت تبقى موجودة لكن انقباضات الولادة الحقيقية هتلاقيها قوية جدا وابتدأت من الظهر وطلعت على فوق وراحت نازلة زاقة لتحت.

ولو حصلت لمدة دقيقة كل 5 دقايق تتكرر دقيقة لمدة ساعة يبقى معنى كدة أن أنتي بتولدي احتمال برضه تحصل وأنتي مش بتولدي فا في الحالة دي أي حال اتصلي بالطبيب وشوفي هاتعملي إيه.

طيب إحنا بنقسم مراحل الولادة لثلاث مراحل حسب المعلومات التالية اللي بنعرفها عن عنق الرحم.

المرحلة الأولى من الولادة بتستغرق حوالي 12 ساعة يعني نصف يوم بنلاقي فيها إن عنق الرحم ابتدأ يتسع فا بنقول هنا إن أنتي في المرحلة الأولى. يعني الطبيب أو الطبيبة بيقيسوا بيدخلوا اليد في المهبل ويقيسوا كدة اتساع عنق الرحم فا لما يوصل لحد 10 سم أنتي لسة يعني مش بتولدي حقيقي الـ Baby لسة مش هايطلع لازم يبقى واسع كفاية أكتر من 10سم علشان الـ Baby  يبتدي ينزل فا المرحلة دي من إنه مقفول خالص لأنه اتفتح خالص كدة بتأخذ حوالي 12 ساعة. المطلوب منك تعملي إيه في الـ12 ساعة دول؟ دي أهم نصيحة عاوزة أديهالك في الدرس دة في الـ 12 ساعة دول ممنوع تحزقي خالص لأن الحزق وأنتي لسة عنق الرحم عندك مقفول مابيعملش أي حاجة غير أنه بيخلي الـ Baby يضغط على أعضائك من تحت وبالتالي يعملك مشاكل في المستقبل زي ناصور ومشاكل يعني تانية، يبقى أهم حاجة في المرحلة الأولى دي وأنتي لسة عنق الرحم عندك مش مفتوح بالكامل عندك بس الآلام والمية نزلت والعلامات اللي هي الانقباضات وكدة ماتعمليش أي حاجة خالص غير أنك تعملي Relaxation تتنفسي بعمق ما تصرخيش لأنه الصريخ مش بيعمل حاجة هو بيضيع طاقتك اللي أنتي محتاجها للمرحلة اللي جاية للولادة فا أنتي أستريحي اسمعي موسيقى خذي حمام سخن كلي حاجة اشربي في رسوم هنا هاوريهالك. الأمهات كلهم في المرحلة الأولى من الولادة لو أنتي شايفة الأم هنا قاعدة على كرسي في وضع مريح لها هنا الأم دي ماشية بتتمشى الأم دي قاعدة على كرة وبتتحرك يمين وشمال الأم دي قاعدة على 4 كدة والوضع دة مريحها كويس الأم دي حاطة رأسها على مخدة وشايفة أن الوضع دة مريحها كويس الأم دي مستندة على كرة والزوج أو أختها بيعملوا لها مساج في ظهرها كويس كل الأوضاع دي الأم بتأخذها أو أي وضع يريحك اعمليه في المرحلة الأولى من الولادة لأن الحزق مش بيعمل أي حاجة دة بيضرك والصريخ بيضيع طاقتك على الفاضي.

اللي أنت محتاجاها للمرحلة التانية فا في المرحلة الأولى من الولادة تعملي إيه تعملي التمرينات دي حركة تشربي حاجة تأخذي Shower كدة يعني بس لحد ما توصل المرحلة التانية المرحلة التانية دي تبتدي أمتي؟ لما القابلة أو الطبيبة تقولك إنه عنق الرحم أتفتح 11سم أو 10 سم أو ما تسمعي كلمة السر 10 أو 11 سم والطبيبة تقولك دلوقتي مسموح بالولادة هي دي الفترة اللي مسموح لك فيها أنك تحزقي تعملي كدة إزاي؟ هاتحسي إنه الرحم بيعمل انقباضات بطريقة زي ما تكون موسيقية يعني يعمل انقباض هو بيحاول يزق الـ Baby وبعدين يعمل Relaxation تاني يرتخي تاني وانقباض يقعد دقيقة ويرتخي تاني فا أنتي بقى ساعديه لما الرحم بينقبض أنتي تحزقي معاه ولما يرتخي أنتي تأخذي نفس علشان الحزقة اللي جاية فا أنتي تعملي إيه (شهيق) كل ما يرتخي وبعدين (زفير). وبعدين هاتيجي دلوقتي الانقباضة تقومي عاملة (حزق) جامد والحزقة دي لازم تبقى جاية من تحت البطن مش بتحزقي من وشك ولا من الصدر لا بتضغطي فعلا على البطن من تحت كأنك كأنها زي البراز بالظبط كأنها عملية تبرز بس طبعا هنا دي مع الولادة فا أنتي تأخذي نفس لما الرحم يرتخي وأول ما يبتدي الانقباض أنتي تحزقي معاه علشان تساعديه أنتم الأتنين بتساعدوا بعض يبقى أنتي كدة بتعملي المظبوط المرحلة دي بتأخذ وقت طويل شوية للأمهات اللي أول مرة بيولدوا فا أحرصي على أنك تتنفسي كويس ما تضيعيش طاقتك في المرحلة اللي قبلها الأولى دي لأنها مش محتاجة الحزق دة خالص هو الحزق في المرحلة التانية دي لما الرحم يبقى 10-11 سم.

 

بعد ما الـ Baby يخرج عندنا المرحلة التالتة وبتستغرق حوالي 5 دقايق لنصف ساعة مهم جدا إنها تحصل أنتي مطلوب منك Relax واستني إن الطفل يجيلك هما بيخرجوا فيها المشيمة ومهم أوي إنها تطلع كلها لأنها تحصل مشكلة كبيرة لو فضل منها جزء فا أنتي استرخي واستني لحد ما تطلع كلها ساعات ممكن يعملولك ماساج للبطن علشان يتأكدوا أنها طلعت للآخر كلها هي دي علامات الولادة مطلوب منك إن أنتي تفتكري كويس تعملي إيه في أي مرحلة دة أهم حاجة مطلوبة منك ماتنسيش المرحلة الأولى Relax أسمعي موسيقى كلي أشربي خدي Shower المرحلة التانية هي دي بتاعة الحزق اللي هو لما يبقى عنق الرحم أتفتح 10-11 سم والمرحلة الأخيرة Relax لحد ما المشيمة تطلع

مبروك مقدما وتمنياتي لكي بكل الصحة

غشاء البكارة

حديثي معكم عن غشاء البكارة الموضوع دة عامل زي الغول والعنقاء والخل الوفي زي ما يكون أسطورة فا أنا محتاجة أشرح الموضوع دة لأنه عامل مشاكل كتير من غير لازمة غشاء البكارة عبارة عن ثنية رقيقة جدا من الغشاء المخاطي اللي داخل في بداية المهبل يعني هو على بعد قليل جدا من  مدخل المهبل على جوة وفي ثقافات كتير بيشوفوا أن دة مقياس عذرية البنت فا تعالوا نشوف إذا كان دة حقيقي ولا لا هما بيتوقعوا أن البنت العذراء لازم تنزف في أول ليلة الزفاف علشان معنى كدة أن هي لم يحدث لها أبدا أي اتصال جنسي قبل ذلك هناك أنواع من غشاء البكارة كل نوع له شكل مختلف وحوالي نصف أنواع غشاء البكارة لا تنزف مع أول اتصال جنسي هما عملوا بحث على حوالي 40 فتاه تم اغتصابهم وكانوا حوامل من الاغتصاب يعني حصل اتصال جنسي كامل وشافوا غشاء البكارة عند البنات دول لاقوا إنه في حوالي 37 منهم من الـ 40 دول غشاء البكارة سليم معني كدة إنه الاتصال الجنسي ممكن يحدث ويفضل غشاء البكارة سليم تاني حاجة إنه غشاء البكارة اللي يعني مختفي تماما ممكن يكون أولا هي البنت مولودة من غيره أساسا مش موجود أو ممكن تكون معناها إنه حدثت ولادة يعني هي فقدته بالولادة مش بالاتصال الجنسي يعني معنى كدة إنه ممكن تبقى السيدة يعني حصل لها إنجاب قبل كدة من المهبل وفقدت غشاء البكارة لكن سيدة أخرى مثلا أنجبت بعملية قيصرية وغشاء البكارة سليم يعني معنى كدة إن هو مش مقياس خالص لعذرية البنت لو هي مقياس العذرية بأن إدخال قضيب في مهبل يعني وكمان المشكلة التانية إنه في ناس بيتحايلوا على الموضوع دة يقولوا خلاص يبقى لن نمارس الجنس المهبلي ونمارس الجنس الشرجي أو الفموي طب ما هو دول برضه لهم أخطار فا أنا أقترح بدل ما نخوف الشباب بحاجة هي إن هي مالهاش أي أهمية نوضح لهم أهمية إن الاتصال الجنسي بأي صورة من الصور ممكن ينقل أمراض دة أهم وأفيد لهم من الخزعبلة بتاعة غشاء البكارة الكتاب دة بيوضح أنواع غشاء البكارة هو متأسفة لو الصورة صادمة لكنها بتشرح كويس الموضوع شايفين هنا السيدة مستلقية على ظهرها وهنا المؤخرة بتاعتها والرجلين منفتحين كدة وشايفين الجزء الأعلى اللي هو الشعر اللي موجود على العانة وهنا الشفاه الغليظة والشفاه الرفيعة وإحنا بننظر لغشاء البكارة في مدخل مدخل المهبل هنا هنلاقي له أنواع هنا بيوضح الشكل في نوع اسمه الهلالي يعني على شكل هلال شايفين إن فيه فتحة والفتحة دي موجودة إحنا مولودين بيها يعني أساسا ممكن يبقى مطاطي ويسمح بدخول القضيب من غير ما ينزف خالص أكتر من نص البنات كدة في نوع تاني بيكون في حاجز في النص بيقولوا عليه Septate  النوع دة كأنه في فتحتين صغيرين كدة بس هو حاجز في النص دة ممكن ينزف شوية مع أول اتصال جنسي في واحد تالت بيكون اسمه Cribriform Cribriform يعني زي الغربال في فتحات صغيرة كدة ودة بينزف نسبيا بشدة مع أول اتصال جنسي في نوع أخير مش موجود في الرسمة دي اللي هو النوع المغلق تماما Imperforate  والنوع دة بيعمل مشاكل للبنت لأنه مع أول الدورة لما يبتدي ينزل دم الحيض هايتجمع مش هايقدر ينزل فا يسببلها انتفاخ في البطن وتجمع دموي في البطن ويفتكروها العيلة إنها حامل وفي ناس ممكن تموت في سوء التفاهم دة فا الموضوع دة محتاج طبيب لو البنت عندها مشكلة وشكل بطنها كبير أنت محتاج توديها لدكتور مش تقتلها أو تضربها لأنه ممكن تكون غالبا هي القصة كدة يعني لو هي لم يسبق لها الاتصال الجنسي قبل كدة النوع الأخير في الصورة دي زي ما أنتم شايفين هو المهبل بعد الولادة فا في الحالة دي هتلاقي إنه غشاء البكارة مش موجود خالص أو يعني جزء بسيط منه هو اللي فاضل فا معنى كدة إنه الطبيب لما يكشف الحقيقة بيقدر يكتشف إن البنت عذراء من الغشاء دة لو هي ولدت قبل كدة ولادة طبيعية عن طريق المهبل غير كدة يعني مافيش فرصة إنه نتأكد 100% إن عذرية البنت متعلقة بغشاء البكارة بتاعها تربية البنات كويس على الأخلاق الكويسة أحسن بكتير من تخويفهم بموضوع غشاء البكارة وعلموهم عن الأمراض الجنسية الثقافة الجنسية العلمية الصحيحة أفيد بكتير من الكلام المخيف اللي مالوش لازمة

تحياتي وتمنياتي بكل الصحة

إمتاع النفس (العادة السرية) للسيدات

ما يسمى في ثقافتنا بالعادة السرية أسميه أنا إمتاع النفس هي حاجة ورغبة طبيعية موجودة في الجميع أنتِ محتاجة تمتعي نفسك وأنت كمان وماتحسوش بالذنب أو إن دي حاجة وحشة أو سيئة هي حاجة طبيعية جدا.

محتاجة أكلم السيدات في الحلقة دي عن إمتاع نفسهم ذاتيا أو باليد يعني علشان أفهمكم أن الموضوع له شوية مزايا وشوية عيوب وقواعد وكدة.

مبدئيا هاقول لك على المزايا لاحظي هنا الجهاز التناسلي الأنثوي هو بيشغل جزء كبير من الجزء الأسفل من الحوض فا خدي بالك أن أنتِ بإمتاع النفس أنتِ بتحفزي الدورة الدموية في الجزء دة لأنه أثناء الشعور بالعملية الجنسية الرحم ها يتحرك كدة وأثناء كمان حدوث النشوة فا دة كله بيحفز الدورة الدموية هنا ودة بيحمي من مشاكل كتير منها التهابات في عنق الرحم أو التهابات المهبل يعني هي حاجة كويسة كأنها رياضة للجزء دة من الجسم.

حاجة تانية لما أنتِ بتعملي الرياضة دي هنا في عضلات تحت بتستعمليها وعضلات في المهبل كمان فا العضلات دي بتتمرن بحيث تبقى قوية علشان أنتِ في المستقبل جوزك يتبسط من العلاقة الحميمة معاكي فا هي نوع من الرياضة وتمرين علشان جهازك التناسلي يكون بيشتغل كويس.

حاجة تانية لما حالتك النفسية تكون تعبانة وأنتِ بتشيلي بتزيلي الضغط العصبي دة عن نفسك بالوصول للنشوة ويمكن يكون سبب علشان كدة بتنامي كويس فا بعض حالات الأرق بيقولوا إحنا بنتحسن بعد ممارسة إمتاع النفس.

بعض الدراسات بتقول إنها بتحسن الدورة الدموية عموما فا بتحسن حالة القلب وبتقلل أخطار أو يعني فرصة الإصابة بأمراض السكر الناتجة عن الضغط العصبي.

هي بتحسن مزاجك عموما لما أنتِ بتمارسي العادة السرية لكن المشكلة في أنك طبعا لو بالغتي فيها أو عملتيها غلط.

كمان لما تتعودي على حاجة معينة بتحبيها وتعرفي إن هي دي اللي بتمتعك ها تعلمي جوزك في المستقبل إنه يعملها كدة معاكي فا أنتِ تكون علاقتكم الجنسية أحسن لأن أنتِ عارفة إيه اللي يسعدك وبتنقليه لجوزك فا هو بيقدر يسعدك أحسن.

المشكلة أنه ممكن يحصل منها مشاكل إيه هي؟ لو أدمنتيها طبعا لو أصبحت هي الوسيلة الوحيدة أنك أنتِ تسعدي نفسك طبعا دي حاجة مش  كويسة علشانك فا أنتِ خليكي دايما واعية بأنك تعملي مثلا مرة في اليوم بالكتير أو يعني تستعمليها بس لما تحتاجيها مثلا جوزك مسافر أو أنتِ مش متجوزة أو يعني ظروفك لا تسمح كدة يعني.

لكن ما تكونش حاجة يعني أسلوب أن أنتِ ترضي نفسك بيه دايما يعني هي مرة واحدة كفاية في اليوم بالكتير.

طيب تعملي إيه علشان تكون يعني إمتاع النفس عملية ممتعة لكي بعض البنات بيقروا مثلا قصص عاطفية أو بيتخيلوا نفسهم مع اللي بيحبوهم.

ما فيش داعي أن أنتِ  تدخلي حاجة في المهبل يعني ممكن تمتعي نفسك من خارج الجهاز التناسلي أو من على جسمك يعني تداعبي نفسك من الصدر مثلا أو من الساقين أو باليد عند البظر بالذات بأصبع اليد أو بعض الناس بيستعملوا حاجات يعني مثلا Dildo أو حاجة أو Vibrator

ما تبالغيش أوي يعني خليكي رقيقة وماتبقيش عنيفة علشان يعني بيبقى التعود على حاجات معينة فا أنك تكوني رقيقة ولطيفة مع نفسك دي حاجة كويسة طبعا الأجزاء اللي برة الشفاه الغليظة والرفيعة.

لو أنتِ مختونة جربي تداعبي نفسك من أجزاء تانية من الجسم هاتحسي برضه بمتعة جنسية.

في حاجة تانية أنه ممنوع تدخلي دش مياه قوية في المهبل أو يعني مافيش داعي لإدخال حاجة جوة المهبل لو أنتِ مش متجوزة لأنه يعني ممكن الإمتاع من برة المياه الجامدة بتسبب إنه الـ PH أو الحمضية بتاعة المهبل بتتأثر فا ممكن تسببلك التهابات فا أنتِ أعملي دايما لو أنتِ مثلا بتستعملي دش علشان تعملي إمتاع النفس يكون من برة بس ويكون كمان بعدها تنشيف جيد جدا للمنطقة دي علشان ما تصابيش بالتهابات.

البسي طبعا ملابس قطنية وكوني أعصابك مستريحة وماتحسيش بالذنب أو كراهية النفس أو حاجة هي حاجة طبيعية وكل السيدات والبنات مسموح لهم يعملوها.

أتمنى لكي كل الحب والسعادة تحياتي

ختان الإناث

ختان الإناث هو بتر الأعضاء التناسلية للأنثى بدون دواعي طبية.

الأمم المتحدة ومنظمة الصحة العالمية اعتبرت دي أسوء صور الاعتداء الجنسي على النساء في التاريخ وأعلنت يوم 6 فبراير من كل سنة إنه يوم For Zero Tolerance For FGM

 المشكلة في ختان الإناث إنه حواليه قصص كتير وكلام غلط فا علشان كدة حابة أحكي لكم الخلاصة عن الموضع في الفيديو دة.

هو منتشر أصلا في أفريقيا وأسيا لكن انتشر في العالم كله بسبب الهجرة طبعا والناس خدوا معاهم العادة دي لأوروبا فا هي مشكلة أيضا موجودة في أوروبا وأمريكا.

إيه أسباب الختان-  ليه الناس بيختنوا بناتهم؟ الناس بيقولوا إن دي عملية تجميل مثلا البعض بيقولوا كدة وأنا بتسائل إذا كنت متدين وأنت عارف إن التجميل حرام أو تغيير خلق الله فا مش عارفة ليه بتعملها يعني البنت مادام مش بتشتكي من حاجة يبقى مافيش أي داعي لها.

تاني حاجة في ناس بيقولوا إن دي نظافة! النظافة بتيجي من الغسل والتنظيف كويس بالمياه والتنشيف دة ممكن تعمله من غير أي قطع لأجزاء يعني أنت عاوز تحميها من قلة النظافة خليها تنظف نفسها.

في ناس بيقولوا بتحميها من الأمراض في المستقبل يعني أنا متخيلة إنه لو أنت عاوز تحمي طفلك من مثلا البرد اقطع له مناخيره؟ كدة ما ينفعش فا النظافة والاهتمام بالصحة ها يحميها من الأمراض عموما.

في ناس بيقولوا إن لها أسباب دينية لا أتخيل إن في دين يرضى على الناس إنهم يتعذبوا بسبب وجود حاجة طبيعية في جسمهم فا أنا لا أتخيل إن لها أي خلفية دينية.

في ناس بيقولوا ما نعرفش إحنا بنعملها علشان أهالينا عملوها وخلاص، فا أنا من رأيي إن إحنا نعمل عقلنا شوية ونشوف الممارسات القديمة هل هي دايما كويسة ولا لا والوحش منها نتخلص منه.

مشكلة الختان إن أعراضه أو مضاعفاته بتستمر مع البنت من أول يوم يحصل الختان لآخر يوم في عمرها يعني هأعرض عليكم الأنواع والمضاعفات علشان تفهموا إن دي مش عملية تأثيرها مؤقت دي مصيبة كبيرة.

عندنا 4 أنواع للختان في يعني خطوط عامة، لكن ها أشرح لكم الأول التشريح الخارجي للأنثى علشان نفهم العملية نفسها بتحصل إزاي هنا في الكتاب دة شايفين الأنثى مستلقية على ظهرها وفاتحة الرجلين وإحنا شايفين يعني دول الساقين كدة وهنا المؤخرة وهي نايمة على ظهرها دة هنا المؤخرة تحت ومن فوق شايفين شعر العانة كدة وهنا شايفين الشفاه الغليظة والشفاه الرفيعة وبعدين البظر هنا فوق وبعدين فتحة المهبل وفي جزء كمان هنا جوة اللي هو فتحة البول دلوقتي لو إحنا عارفين التشريح الطبيعي والوظائف كمان للأنسجة دي هي الأنسجة دي غنية جدا بالنهايات الأعصاب الحسية اللي طبعا مسئولة عن استقبال الحس أثناء المتعة الجنسية يعني أثناء العملية الجنسية فا هي وظيفتها الرئيسية إنها تشعر المرأة بالمتعة الجنسية غير إنها طبعا بتحمي الأجزاء الداخلية من جسمها لأنها بتبقى مقفولة كويس بتحميها من العدوى وكدة.

تعالوا نشوف بقى الأنواع بتاعة الختان ها أشرح لكم على اللوحة دي هنا الرسمة هنا الأنثى مستلقية برضه على ظهرها وهنا الشفاه الغليظة والشفاه الرفيعة وهنا البظر وفتحة البول ودة الشرج اللي بيحصل في النوع الأول إنهم بيقطعوا البظر أو الجلد الأمامي منه أو الجزء الأمامي منه فا بنقول على النوع الأول إنهم بيقطعوا جزء من البظر فا يبقى الجزء الأول أو النوع الأول بيقطعوا الجزء دة بنقول عليه Clitoridectomy يعني قطع البظر أو جزء منه النوع التاني بيسموه Excision الـ Excision دة بيقطوا منه الـ Labia Majora  أو Minora أو الاتنين وأحيانا البظر معاهم.

طبعا هنا المهبل.

طيب الأجزاء دي لما فقدتها البنت مبقاش عندها أي نوع من الإحساس في الجزء دة غير إنه بيبقى مكانها نسيج يعني لا يستطيع الشد فا دي مشكلة كبيرة لها في الزواج وفي الولادة.

طيب النوع التالت بعض الناس بيسموه الفرعوني أو الـ Infibulation  إنهم بيشيلوا كل الحاجات دي اللي قلناها البظر أحيانا أه وأحيانا لا لكن بالتأكيد بيشيلوا بيقطعوا الشفاه الغليظة والرفيعة وبعدين يربطوا رجلين البنت مع بعض بحيث يلتئم الجرح خط مقفول كدة يبقى البنت حتى مش قادرة تمشي كويس ويسيبوا زي مثلا عود كبريت أو حجرة صغيرة علشان يلتئم بفتحة معينة تقدر تعمل منها حمام يعني Urination تبول فا المشكلة إن البنت بتلتئم مقفولة خالص مافيش إلا جزء صغير جدا بيخرج منه البول وطبعا بيعاد جزرها تاني لما تيجي تتجوز.

في أنواع أخرى تبع النوع الرابع إنهم مثلا بيحطولها Piercing  مثلا أو بيكووا المنطقة دي بحيث تميت الأعصاب الحسية أو بيعملوا يعني عمليات غير معروفة لكن منتشرة في أفريقيا نوع من تشويه المنطقة دي عند البنت ومنحها صدمة عصبية وخوف من المكان دة من جسمها بعد العملية أو أثناء العملية بتحصل مشاكل للبنت منها إنها بتعاني طبعا من ألم شديد ممكن يحصل لها إنها تتنقل لها عدوى لأنهم ساعات بيعملوها في مجموعات فا بيقطعوا بنفس السكينة لكل البنات ساعات بيقطعوا بزجاج مكسور أو موس المشكلة كمان إنها بتجيلها طبعا صدمة عصبية وخوف وممكن يجيلها احتباس في البول ودة طبعا ممكن يسبب وفاتها أو التهاب في المثانة مزمن أو التهاب في الكلى يؤدي إلى فشل كلوي.

المشكلة كمان إنه ممكن يجيلها التهاب كبد وبائي من عدوى من الموس اللي مش نظيف دة أو صدمة عصبية تخليها تكره الجنس تماما وتبقى رافضاه ومش عاوزاه طول عمرها حتى لما تتجوز.

ممكن يجيلها سلس البول لأنه العضلة العاصرة حوالين الجزء اللي هو مخرج البول ممكن تتأثر فا يجيلها مشكلة في السيطرة على البول.

ممكن يجيلها تسمم في الدم ممكن يجيلها التصاقات في المستقبل تسبب صعوبة جدا في العلاقة الجنسية وطبعا مافيهاش عندها أي استمتاع بالجنس لأنها مش حاسة بحاجة غير أنها بتفتكر الصدمة العصبية دي فا تكرهه.

وهي بتولد ممكن الطفل ما يقدرش يخرج لأنه الأجزاء الندبات الموجودة في الأجزاء المصابة بتخليه مش Stretch  يعني مش Stretch مش واسعة كفاية ما بتتشدش كفاية علشان الطفل يخرج أيضا دة ممكن يسبب وفاة الأم والطفل.

ممكن للأسف الالتصاقات دي تسبب العقم وتسبب أيضا سلس البراز بعد الولادة لأنها ما بتلتئمش كويس وبتعمل فتحة بين المهبل والشرج.

بتسبب مشاكل كتير جدا بين الأزواج لأن الزوجة بتكون خايفة من الجنس وبترفضه لدرجة أنه ممكن يسبب لها امتناع تام عن ممارسة الجنس لأنها مش قادرة خالص المنطقة دي حد يلمسها من الألم أو الذكرى السيئة.

هل يوجد علاج للموضوع دة؟ نعم يوجد مبدئيا علاج نفسي بتتدرب فيه السيدة على أنها تنسى الذكرى السيئة دي وأيضا علاج طبي جراحي بدأته مستشفيات ألمانية في الفترة الأخيرة وأتمنى إنه يكون منتشر في الوطن العربي، عمليات تصحيحية للأجزاء دي نحاول نحسن في وضع الجزء المصاب أو المبتور عندها بحيث تعيد الإحساس شوية ويصبح أكثر يعني يكون طيع أكتر بحيث تستمتع بحياتها الزوجية ومايكونش عندها مشاكل مع الولادة.

أتمنى لكم كل الصحة والعافية وافتكروا إن جسمك ملكك وماحدش له حق يشوهه أنتِ حرة تختاري لنفسك أي عمليات تجميل لما تكبري لكن وأنتِ صغيرة ممنوع حد يلمسك أو يعتدي عليكي بأي صورة قلبي معاكي وأتمنى لكي كل الخير.