العادة السرية للرجال

لو أنت شاب مش متزوج ومعندكش فرصة لممارسة الجنس اختيارك الطبيعي اللي بعد كدا هو ممارسة العادة السرية أو الاستمناء أو إمتاع النفس. لازم تعرف إن العملية دي لها مزايا ولها عيوب من حقك تعرف الجوانب الطبية للاستمناء أو العادة السرية. هابتدي بالعيوب. مضار العادة السرية إنها قد تسبب لك إدمان يؤثر على حياتك الاجتماعية وأنك لما تمارسها بعنف هاتلاقي نفسك متعود على درجة معينة من العنف قد تؤذي علاقتك بزوجتك في المستقبل فنقطة أنك تتعلم تمارسها في حدود طبيعية حوالي 5 مرات في الأسبوع أو يعني مرة في اليوم وأنك ماتكونش عنيف مع نفسك لدرجة تسبب لنفسك إصابة أو نوع من الإدمان على طريقة معينة بحيث تعملك مشاكل في المستقبل. الحاجة التانية أنك تمارس العادة السرية وأنت عارف أنها حاجة مش عيب ولا عار عليك ولا إن مثلا أنت الوحيد في العالم. كل الرجال يمارسون العادة السرية في وقت ما من حياتهم فا أنت مفكر خليك واعي إنها مش حاجة عيب لأن لما تفتكر إنها عيب هاتجيب لك سرعة قذف هي مسألة حاجة نفسية. فلما تفكر دايما إن عندك حاجة عيب أو سر بتعملها هاتحس أنك بتسبب لك سرعة قذف فمهم أوي أنك تتخلص من الشعور بالعيب في ممارستها هي حاجة طبيعية. هي المشكلة إنها لو أثرت على حياتك بالسلب لما تدمنها. ها أكلمكم بقى عن المزايا. المزايا دي بناء على دراسات علمية مالهاش علاقة بأي حاجة ثقافية أو اجتماعية سمعناها- كلها بناء على دراسات علمية- أنت لما بتمارس العادة السرية أو الاستمناء الحقيقة أنك بتنشط الدورة الدموية في منطقة الحوض وبتنشط الدم اللي رايح أو السوائل اللي في جسمك اللي حوالين البروستاتا وكدة علشان كدة التنشيط دة نوع من الغسيل للسوائل دي وبيقلل فرصة حدوث سرطان البروستاتا. أيضا قد يكون له علاقة بتقليل فرصة حدوث دوالي الخصية لأن الدم لما يحصل له دوران بسرعة لما أنت بتمارس العادة السرية دة بيحسن يعني حالة الأوعية الدموية في الأعضاء التناسلية. يقال أيضا إنها بتحسن مناعتك لأنها بتزيد شوية من هرمون الكورتيزول ودة مسئول عن تحسين مناعتك لو هو بكميات قليلة. هي أيضا تمرين لعضلات القضيب القضيب فيه عضلات ناعمة أو ملساء هي اللي بتكون النسيج الأسفنجي. فأنت بتمرن العضلات دي فا في المستقبل لما يبقى عندك انتصاب مع زوجتك بيكون أحسن لو أنت كنت بتمرن العضلات دي قبل كدة لا تسمح لأحد بأن يشعرك بأنك إنسان سيئ لأنك تمارس الاستمناء أو العادة السرية هي حاجتك الطبيعية وأنت بتمارسها مع نفسك أنت حر في نفسك ودي في المستقبل لو أنت عارف أنت بتعملها إزاي كويس دلوقتي في المستقبل هايكون لها مزايا لأنك بتكون مرنت عضلة عضلات القضيب الملساء.

وأتمنى لك كل العلم والتوفيق والسعادة والحب تحياتي

سرعة القذف

سرعة القذف- أو القذف السريع، مشكلة قد تواجه الشباب أحيانا في حياتهم وتعمل مشاكل زوجية، علشان كدة عندي لكم شوية نصائح عنها. مبدئيا تعريف سرعة القذف بنقول لما الزوجة تكون مش سعيدة بالفترة اللي بتستمر فيها العملية الجنسية هما بيقولوا في المعدل العملية الجنسية من ساعة الانتصاب لحد القذف تأخذ 7 دقايق لكن أنا لا أعتبر دة قاعدة للجميع لأنه ممكن الزوجة تكتفي بـ 5 دقايق أو 4 دقايق تقول أنا سعيدة كدة فا أنا أقول دة كويس يعني في المعدل العملية الجنسية تستغرق 7 دقايق لكن لو أقل من دقيقتين نقول إن الزوج عنده مشكلة محتاجة حل.

إزاي نعالج سرعة القذف؟ مبدئيا أعرف إنه الأوقات تختلف يعني أحيانا تقذف بسرعة جدا وأحيانا تأخذ فترة أطول لكن أنت يبقى عندك مشكلة أنك لما كل مرة تكون مع مراتك تحصل المشكلة دي أنك تقذف بسرعة لدرجة الزوجة مش قادرة تستمتع لعدة مرات ورا بعض بنقول عندك 3 اختيارات أو 3 حاجات تعملها بنقول Squeeze Distract and Medicate  يعني إيه؟ Squeeze يعني اعصر عضلات معينة في جسمك Distract يعني شتت انتباهك للتفكير في حاجة تانية Medicate يعني ممكن تستعمل أدوية معينة.

شخصيا أنا مش من مساندي استعمال الأدوية لأن دايما لها أعراض جانبية في ناس بيستعملوا الفياجرا وناس بيستعملوا ترامادول وأحيانا مضادات الاكتئاب كل الأدوية دي لها أعراض جانبية والفياجرا غير مسموحة لمرضى القلب فا علشان كدة بأقترح إن إحنا نختار حاجة من الخطوتين اللي قبلهم اللي هما Squeeze  أو Distract يعني تتعلم تعصر عضلاتك و Distract أنك تتعلم تشتت تفكيرك وأنت بتفكر في العملية الجنسية أول ما تحس أنك ها تقذف أعمل عملية حسابية أو فكر في موضوع خارج نطاق أوضة النوم فا دي واحدة أنك تعمل Distraction  لتفكيرك يعني تفكر في حاجة تانية فجأة.

العملية بتاعة العصر أنك تعصر عضلات معينة عاوزة أشرحها لكم على Model هنا مبدئيا إحنا عندنا في قاع الحوض قاع حوض الرجل والمرأة أيضا عضلات لو هي واضحة هنا هتلاقي أنك عندك عضلة مبطنة قاع العظم هنا والعضلة دي فيها من جوة النهايات بتاعة القنوات اللي بتوصل السائل المنوي لبرة العضلة دي كمان تحيط الشرج وبالتالي أنت لما بتعصرها بتسبب أنك تمنع خروج البراز والبول وأيضا السائل المنوي فا تعلمك عصر العضلة دي وتقويتها ها يخليك تساعد نفسك أنك تعطل خروج السائل المنوي في حالة القذف السريع أو يعني تؤخر القذف فا كل ما تحس إن السائل المنوي جاي قرب يطلع بس قبلها بفترة يعني يعني هما علامتين علامة بدري شوية وعلامة متأخرة شوية عند العلامة البدري شوية تعصر العضلة دي.

تتعلم تلاقيها إزاي؟ لما تبقى في الحمام أثناء التبول أو التبرز لو عصرتها ها توقف التبول والتبرز هي العضلة دي بس المشكلة أنك لما تعمل كدة كتير في الحمام ممكن يعملك إمساك ولو عندك مشاكل في البروستاتا ممكن تزود التهابات البروستاتا. التمرين دة مسموح تعمله بس لو أنت البروستاتا سليمة وماعندكش مشاكل في الإمساك فا بقترح إن أنت تعملها بس تعرف مكان العضلة من التمرين دة مرة في الحمام لكن التمرين نفسه تعمله 30-40 مرة في اليوم وأنت قاعد على مكتبك أو في العربية يعني تستعمل العضلة لتقويتها في وقت غير وقت ما تكون فيه في الحمام علشان مشكلة الإمساك بعد كدة لما تقوي العضلة دي ها تقدر كل ما تحس إنه القذف ها يحصل تقبض العضلة دي اللي هي بتمنع خروج البول والبراز وبالتالي أيضا خروج السائل المنوي فا تؤخر القذف.

طريقة تانية اللي هي أثناء الاتصال الجنسي مع الزوجة ها أشرح لكم الطريقة دي هي اسمها Masters And Johnson’s Method تخيلوا إنه دة الرجل وحاصل له انتصاب وعنده علامة مبكرة إنه ها يحصل قذف حاسس إنه ها يحصل قذف يعمل إيه يخلي الزوجة أو هو نفسه يمسك الجزء اللي تحت رأس القضيب وتعصره كدة فا هو زي ما يكون محبس بيتقفل فا يمنع خروج السائل المنوي مسموح أنك تعمل كدة بس لو أنت عندك البروستاتا سليمة وماعندكش التهابات في القناة البولية يعني علشان دة ممكن يعملك مشاكل لو عندك التهابات ويرتجع السائل المنوي بشرط يعني البروستاتا تكون سليمة ومافيش أي التهابات مرة تانية أثناء الانتصاب وإحساسك بخروج المني ها يطلع تمسك الجزء دة كدة أو تخلي الزوجة يعني وتستنى شوية تعد لحد 30 تقريبا وبعدين تكمل العملية الجنسية يبقى قولنا الخلاصة أنك Squeeze  باستعمال Masters And Johnson’s Method أو Kegel Exercise اللي هو عصر عضلة قاع الحوض دي يبقى لو عملت الاتنين مع بعض يبقى أنت كدة يعني كل حاجة تحت السيطرة الحاجة التانية إن أنت To Distract Yourself يعني تشتت انتباهك لحاجة تانية عن غرفة النوم تفكر في عملية حسابية أو حاجة وفي خناقة مثلا.

الحاجة التالتة أنك تستعمل أدوية وأنا لا أقترحها قوي لأن لها أعراض جانبية كتير دايما اقرأ الـ Pamphlet  اللي جاية مع الدواء قبل ما تستعمله

ومع تحياتي وتمنياتي بكل الصحة

إدمان العادة السرية

العادة السرية أو إمتاع الذات هي ممارسة طبيعية كل الناس عملوها في حياتهم المشكلة بس بتيجي أنك تدمن العادة السرية ودة نتيجته أنك بتبقى مش واثق في نفسك وحاسس أنك انطوائي وطاقتك مهدورة. فأنت لو حسيت أن العادة السرية أبتدأت تؤثر على حياتك بالسلب نقول أن أنت عندك إدمان وفي الحالة دي أنت محتاج برنامج علاجي علشان تتخلص منها. البرنامج العلاجي دة هو في الحقيقة بيرتكز أساسا على فكرة أنك تغير طريقة تفكيرك يعني هو علاج نفسي أنت ممكن تعمله لنفسك فا أنا ها أنصحكم بشوية خطوات علشان تحاولوا تساعدوا نفسكم بنفسكم.

أول خطوة أن أنت تتوقف عن الإحساس بالذنب واحتقار النفس والإحساس باليأس أنه أن أنت كدة ضايع بقى وإنسان سيئ أو كدة. دة مش صحيح العادة السرية كل الناس بيعملوها في وقت ما من حياتهم. هي حاجة طبيعية أنت بتستجيب لها والمشكلة بس في أنك تقلل من ممارستها وتعرف تمارسها بطريقة غير مضرة لك.

يبقى أول حاجة تتوقف عن الإحساس بالذنب وكراهية النفس بسببه.

تاني حاجة أنك تشيل كل الأسباب اللي بتسبب أنك تمارسها حواليك يعني إيه يعني مثلا لو أنت بتتفرج على أفلام Porn كتير أفلام إباحية تشوف طريقة تتخلص منها مثلا تخلي واحد صاحبك يشيلها من على الكمبيوتر بتاعك أو تحط Application بتعمل Blocking  للحاجات الـ Porn وأنت تعمل الـ Password وأنت مغمض مثلا بعدين تنساها أو تخلي صاحبك يعملك الـ Password ومايقولكش عليها.

في حاجة تانية كمان أنك تبعد كل المجلات الإباحية وتتخلص منها في البيت علشان ما يبقاش عندك أي سبب أن أنت تشوف حاجة تثير رغبتك في ممارسة العادة السرية.

لو أنت بتحب تعملها في الحمام مثلا أول ما تجيلك الرغبة غير المياه بحيث تبقى المياه ساقعة فا أنت تتخض بقى وعايز تمشي من الحمام. لو أنت نايم بالليل وحسيت برغبة في ممارستها حاول تعمل حاجة تانية مثلا روح أعمل Pushups  فا أنت لما تعمل Pushups   وتتعب نفسك ها تنام.

خلي جدولك مشغول يعني اعمل مواعيد كتير مع أصحابك لو في ماتش أو فيلم أتفرج عليه مع العيلة أو مع أصحابك مش لوحدك. انقل الكمبيوتر لمكان في البيت حواليك ناس أو في احتمال الناس يشوفوك أفتح الشبابيك مثلا أو خلي الباب مفتوح أو اقعد مع ماما في الصالون أو في الصالة علشان ماتجيلكش الفرصة أنك تكون لوحدك كتير.

لو أنت مش بتشتغل تطوع بالعمل التطوعي يعني شوف كدة على فيس بوك ولا تويتر ولا في أي مواقع فيها ناس بيطلبوا متطوعين بحيث يبقى وقتك مشغول دايما برة البيت.

مارس الرياضة الرياضة ها تهد حيلك فا أنت ها تبقى مرهق في آخر اليوم وعاوز تنام.

لو أنت حاسس أن أنت يعني بتقعد لوحدك كتير مثلا ومحتاج حافز في ناس بيجيبوا حيوان أليف في البيت دة يساعدهم على الإحساس بالألفة شوية مع كائن تاني لو مافيش معاك حد في البيت بالذات ولو أنت مثلا عندك كلب ممكن هاتخرج بيه تمشي كتير فا دي فرصة لممارسة الرياضة وأن أنت مش هاتبقى قاعد في البيت كتير لوحدك.

ماتجيبش فيل دة بس جيبته علشان ديكور.

عندك  فكرة دايمة أن أنت قادر على التغلب على الإدمان دة خلي الفكرة دي دايما عندك تقول أنا قادر أن أنا أعمل كدة كل ما تحس أن أنت انتكست ترجع تاني تقول لا أنا ها أقدر أتخلص منها.

اسمح لنفسك بممارسة العادة السرية مرة في اليوم بس تكون مرة تكون فيها في وقت مناسب ومكان مناسب وأعصابك مستريحة يعني أنت متأكد أن ماحدش هايدخل عليك مش خايف من حاجة لأنه لما تكون أعصابك هادية ومستريحة دة سبب رئيسي أنك تحافظ على قوة الانتصاب ومدته فترة طويلة.

في حاجة تانية أن أنت لا تمارسها بعنف يعني ما تبقاش عنيف قوي مع نفسك بحيث تتألم منها لا لأن دة ها يؤثر على علاقتك بزوجتك في المستقبل يعني لازم تحاول تكون لطيف في الممارسة ولو حاسس بأنه في جفاف فيها أستعمل جل مثلا جل صبار اللطف في ممارستها بيخليك متعود على أسلوب معين ها يناسب حياتك في المستقبل مع مراتك.

العادة السرية في حد ذاتها مافيهاش أي مشكلة المشكلة بتيجي من إدمانها. لا تشعر بالذنب لا تكره نفسك وأنت قادر على التغلب على الإدمان.

أتمنى لك كل الصحة

الوقاية من الأمراض الجنسية

كبر حجم الثدي عند الرجال

ليلة الزواج

تسهيل حدوث الحمل

الكشف/ الفحص الذاتي لأورام الثدي

مشاكل الانتصاب

معلومات أساسية عن المهبل